နွေးထွေးစွာ အေးမြခြင်းများစွာနဲ့ မာန်လှိုင်းငယ်မှ ကြိုဆိုပါသည်။ အကြံပြုချက်များ၊ ဝေဖန်စာများကိုလည်း ကြားချင်ပါသည်။

Monday, September 17, 2007

ရောင်နီဦးကျောင်းသူကျောင်းသားဟောင်း ပြန်လည်တွေ့ဆုံပွဲ ကျင်းပပြုလုပ်


၂၀၀၇ ခုနှစ်၊ စက်တင်ဘာလ (16)ရက်နေ့တွင် “ပန်းစုံပွင့်ဖူး၊ ရောင်နီဦးသို့၊ ကျေးဇူးအောက်မေ့၊ တမ်းမြေ့လွမ်းရီ” ဟု အမည်ပေးထားသည့် ရောင်နီဦးကျောင်းသူကျောင်းသား ဟောင်းများ ပြန်လည်တွေ့ဆုံပွဲကို မြန်မာနိုင်ငံဒီမိုကရက်တစ်အင်အားစု (FDB) ရုံးတွင် ပြုလုပ်ခဲ့သည်။
ထိုတွေ့ဆုံပွဲကို စီစဉ်ခဲ့သူများမှာ (ABSDF) မှ ဖွင့်လှစ်ထားသော ရောင်နီဦးအထက်တန်း ကျောင်းမှ ကျောင်းသူကျောင်းသားဟောင်းများဖြစ်ပြီး နယ်ပယ်အသီးသီးသို့ ရောက်ရှိနေကြသည့် ကျောင်းသူကျောင်းသားများ ပြန်လည်တွေ့ဆုံနိုင်ရန် ပြုလုပ်ခဲ့ခြင်း ဖြစ်သည်။ ထိုကျောင်းသူကျောင်း သားဟောင်းများသည် ဒီမိုကရက်တစ်အင်အားစုများနှင့် လူမျိုးစုအဖွဲ့အစည်းများတွင် လည်းကောင်း၊ တပ်ပေါင်းစုများတွင် လည်းကောင်း၊ လူထုအခြေပြုအဖွဲ့အစည်းများတွင် လည်းကောင်း၊ ရှေ့တန်းနယ် မြေများတွင် လည်းကောင်း ၀င်ရောက်ကာ အလုပ်လုပ်ကိုင်နေကြသူများ ဖြစ်သည်။ ထိုမတူကွဲပြား သည့် နယ်ပယ်အသီးသီးတွင် တဦးချင်းစီ၏ အတွေ့အကြုံများ၊ အမြင်များ ဖလှယ်နိုင်ရေး၊ အနာဂတ် ရည်မှန်းချက်ပန်းတိုင်နှင့် အဖွဲ့အစည်းအသီးသီးတွင် ဆထက်ထမ်းပိုး ပူးပေါင်းပါဝင် လုပ်ကိုင်လက်တွဲ နိုင်ရေးတို့အတွက် အဆိုပါ တွေ့ဆုံပွဲအခမ်းအနားကို ကျင်းပပြုလုပ်ခဲ့ခြင်း ဖြစ်သည်။

ထိုအခမ်းအနားနှင့် ပတ်သက်၍ ကျောင်းသူဟောင်းတစ်ယောက်ဖြစ်သည့် နော်ဖောလွဲမူးက “ဒီကနေ့ မမျှော်လင့်ဘဲ ရောင်နီဦးကျောင်းက သူငယ်ချင်းများနှင့် ဆုံတွေ့ခွင့်ရတဲ့အတွက် အတိုင်းမသိ ၀မ်းသာပါတယ်။ ရောင်နီဦးကျောင်းက ထွက်လာတဲ့ ကျောင်းသူကျောင်းသားအားလုံး ရိုးရိုးသားသား ကြိုးစားပြီး အများအကျိုးအတွက် တာဝန်ထမ်းဆောင်နိုင်သူတွေ ဖြစ်စေချင်ပါတယ်” ဟု သူ့အမြင်ကို ပြောပြခဲ့သည်။
ထိုအခမ်းအနားသို့ အဖွဲ့အစည်းအသီးသီးမှ ခေါင်းဆောင်များ၊ ဆရာ၊ ဆရာမများနှင့် ရောင်နီဦး ကျောင်းသူကျောင်းသားဟောင်းများ စုစုပေါင်း (၃၅)ယောက်ကျော် တက်ရောက်ခဲ့သည်။

0 comments:

 
Design by Wordpress Theme | Bloggerized by Free Blogger Templates | coupon codes