11:32 AM
မာန်လှိုင်းငယ်
မာန်လှိုင်းငယ်
တချို့။ တချို့သော နိုင်ငံခြားရောက် ပညာရှင်တွေ။ အမြင်ကျဉ်းမြောင်းတဲ့လူတွေ။ နိုင်ငံရေးကို နားလည်ကျွမ်းကျင်တယ်လို့ ကိုယ့်ကိုယ်ကို အထင်ရောက်နေသူတွေ။ လက်တဆုပ်စာ လူနည်းစု (စစ်အာဏာရှင်)တွေရဲ့ အလိုကို ဦးဆောင်ဦးရွက်လုပ်ဆောင်နေတဲ့ လူတွေက ကျနော်တို့ မြန်မာနိုင်ငံ က ပြည်သူသားတွေကို အကြောက်တရားတွေ အလွန်တရာ ဖုံးလွှမ်းနေတယ်။ လွန်လွန်ကျူးကျူး ကြောက်နေတယ်လို့ မြင်နေကြတယ်၊ ထင်ကြေးတွေ ပေးနေကြတယ်၊ ပြောဆိုနေကြတယ်၊ တကယ် ဆိုရင် နအဖစစ်အစိုးရဟာ ပြည်သူ လူထုကို ကြောက်အောင်လုပ်နေတာတော့ မှန်တယ်၊ ဒါပေမယ့် တကယ့်လက်တွေ့မှာ လူထုတွေဟာ ဒီအကြောက်တရားကို တွန်းလှန်။ ဖျောက်ဖျက်ပြီး ရင်ဆိုင်နေ တာ တွေ့နေရပါတယ်၊ လူထုတွေဟာ ဘယ်လိုရင်ဆိုင်နေတယ်ဆိုတာ ပြီးခဲ့တဲ့လှုပ်ရှားမှုသမိုင်းတွေက ကျနော်တို့ကို သက်သေပြ။ သက်သေထူခဲ့ပြီး ဖြစ်ပါတယ်၊ ကျနော့်အမြင်ပြောရရင် ပြည်သူလူထုတွေ ရဲ့ ရင်ထဲမှာ ကြောက်စိတ်ဆိုတာ မရှိပါဘူး။ နအဖစစ်အစိုးရက ဘယ်လောက်ပဲ ပြည်သူလူထုကို ကြောက်အောင်လုပ်လုပ်။ ဘယ်လောက်ပဲ ဖိနှိပ်။ ဖိနှိပ် လူထုရဲ့ ရင်ထဲမှာ။ အသည်းနှလုံးထဲမှာ ကြောက်စိတ်ဆိုတာ မရှိပါဘူး၊ အကြောက်တရားဆိုတာ မရှိပါဘူး၊ ဒါပေမယ့် လူထုဟာ နအဖစစ် အစိုးရတွေရဲ့ လုပ်ရပ်။ ကိုယ်ကျိုးကိုသာ ကြည့်မှု။ လက်နက်အားကိုး ဖိနှိပ်မှု။ လိမ်လည်စော်ကားမှု တွေကြောင့် အော့နှလုံးနာနေတာတော့ အမှန်ပါပဲ၊ အမှန်တရားအတွက်ဆိုရင် လူထုဟာ ရဲရဲဝံ့ဝံ့နဲ့ ရင် ဆိုင်နေတာပါ၊ လူထုရဲ့ ဆန္ဒအစစ်အမှန်ကို သိချင်ရင် ဖြစ်ခဲ့တဲ့လှုပ်ရှားမှုသမိုင်း။ ခေတ်အဆက်ဆက် လှုပ်ရှားမှုသမိုင်းကို ပြန်ကြည့်ပါ၊ မြင်လာပါလိမ့်မယ်၊ လှုပ်ရှားမှုသမိုင်းဖြစ်စဉ်ကတော့
၈၊ ၈၊ ၈၈ ရက်နေ့ဟာ ကျနော်တို့ မြန်မာနိုင်ငံရဲ့ အထူးသဖြင့် ပြည်သူလူထုအတွက် မေ့မရနိုင် တဲ့ အထင်ကရ နေ့ထူးနေ့မြတ်ကြီးဖြစ်ပါတယ်၊ ဦးနေ၀င်းအာဏာသိမ်းခဲ့ပြီး (၂၆)နှစ်ကြာ စိုးမိုးချယ် လှယ်အုပ်စိုးခဲ့တဲ့ မဆလပါတီအာဏာရှင်အစိုးရကို ဖြုတ်ချနိုင်ခဲ့တဲ့ အောင်ပွဲလည်းဖြစ်ခဲ့တယ်၊ မဆလ ပါတီရဲ့ အတုအယောင်ဆိုရှယ်လစ်ဝါဒဟာ ပြည်သူလူထုတရပ်လုံးကို မှိုင်းတိုက်ပြီး တစ်ပါတီ အာဏာ ရှင်စနစ်နဲ့ (၂၆)နှစ်ကြာ စိုးမိုးအုပ်ချုပ်လာခဲ့တယ်၊ မဆလ (ခ) မြန်မာ့ဆိုရှယ်လစ်လမ်းစဉ်ပါတီ အစိုးရ ရဲ့ စီးပွားရေး။ နိုင်ငံရေးစနစ်များကို ပြည်သူလူထုတရပ်လုံးက အထွေထွေမကျေနပ်မှုများ။ မနှစ်ခြိုက်မှု တွေကြောင့် “၈၈”ဒီမိုကရေစီအရေးတော်ပုံကြီးတရပ် ပေါ်ပေါက်လာခဲ့ရခြင်းဖြစ်ပါတယ်၊ ကျနော်တို့ မြန်မာ့သမိုင်းမှာ “၈၈”ဒီမိုကရေစီအရေးတော်ပုံကြီးတရပ် ဖြစ်ပွားပေါ်လာခဲ့ခြင်းဟာ အိမ်နီးနားချင်း နိုင်ငံတွေ။ ဒေသဆိုင်ရာနိုင်ငံတွေကိုပါ ဂယက်ရိုက်သွားခဲ့ပါတယ်၊ နိုင်ငံရေး ပြုပြင်ပြောင်းလဲမှုများ အတွက် “၈၈”အရေးတော်ပုံကြီးဟာ အလွန်တရာကို အရေးပါအရာရောက်ခဲ့ပါတယ်၊ ဒီအကျိုးဆက် တွေကြောင့်ပဲ ကျနော်တို့ ပြည်သူလူထုတွေဟာ နိုင်ငံရေး အသိအမြင်တွေ ရခဲ့တယ်၊ ဒီမိုကရေစီ အတွက် တိုက်ပွဲကို ဆက်လက်ဝင်လာခဲ့ကြတယ်၊ အတိုက်အခံပါတီတွေ ပေါ်ထွက်လာစေခဲ့တယ်၊ ခေါင်းဆောင်ကောင်းတွေကို မွေးထုတ်ပေးလာနိုင်ခဲ့ပါတယ်၊
သမိုင်းနောက်ကြောင်း ကောက်ယူခြင်း
စစ်အာဏာရှင်တွေဟာ မိမိတို့ နိုင်ငံသူ။ နိုင်ငံသားဖြစ်ကြတဲ့ ပြည်သူလူထုရဲ့ ဘ၀လုံခြုံရေး။ စီးပွားရေး။ နိုင်ငံရေး။ လူနေမှုစနစ် စတာတွေကို လက်တွေ့ကျကျ လုပ်ကိုင်ဆောင်ရွက်လာခြင်းလည်း မရှိ။ နိုင်ငံတော်ကို ဖွံ့ဖြိုးသာယာလာအောင် ကြိုးစားအားထုတ်ခြင်းလည်း မရှိ။ စစ်အာဏာရှင်ပီပီ မိမိ ကိုယ်ကျိုးအတွက်ကိုသာ ကြည့်ပြီး နိုင်ငံနဲ့ ပြည်သူလူထုကို ဆင်းရဲတွင်း နက်သထက် နက်အောင် ဗျူဟာပေါင်းစုံ။ လိမ်လည်မှုပေါင်းစုံ စတာတွေနဲ့ အမျိုးမျိုး ဖိနှိပ်ရက်စက်ခဲ့တာ ယနေ့တိုင်ပါပဲ၊ တကယ် လို့သာ စစ်အာဏာရှင်တွေဟာ ပြည်သူတို့ရဲ့ စီးပွားရေး။ ဘ၀လုံခြုံရေးတွေကို အာမခံပြီး လူနေမှုဘ၀ သစ်ကို ထူထောင်လာခဲ့မယ်ဆိုရင် ယနေ့ ပြည်သူလူထုအားလုံးဟာ ငြိမ်းငြိမ်းချမ်းချမ်းနဲ့ စိတ်ချမ်းသာ စွာ နေထိုင်လုပ်ကိုင်စားသောက်နေကြရပါပြီး၊ နောက်ပြီး နအဖ(စစ်အစိုးရ)ဟာ ပြည်သူလူထုကို တကယ်အကျိုးဖြစ်ထွန်းအောင် လုပ်နိုင်လာခဲ့မယ်ဆိုရင် ပြည်သူလူထုအားလုံးက စိတ်ရောကိုယ်ပါ အလုံးအရင်းနှင့် ပူးပေါင်းဆောင်ရွက်လာကြမှာ အမှန်အကန်ဖြစ်ပါတယ်၊ စစ်အစိုးရကိုယ်တိုင်က ပြည်သူတွေရဲ့ အောင်မြင်မှုကို တကယ့်အခြေခံသဘောတရားဖြစ်တဲ့ ပြည်သူ့အမြင်။ ပြည်သူ့ရပ်တည် ချက်နှင့် ပြည်သူဏ္ဍအာဏာ စသည်တို့ကို လက်တွေ့ကျကျ ဆုပ်ကိုင်ကျင့်သုံးပြီး အကောင်အထည် ဖော်ခဲ့မယ်ဆိုရင် ပြည်သူတွေရဲ့ ဘ၀ဟာ ဘ၀လုံခြုံရေး။ စီးပွားရေး။ စားဝတ်နေရေး။ လူနေမှုစနစ် စတာတွေအားလုံး တိုးတက်ပြောင်းလဲလာမှာ ဖြစ်ပါတယ်၊
အခုတော့ အဲဒီလို လုံးဝမလုပ်ခဲ့ပါဘူး၊ မိမိတို့ကိုယ်ကျိုးအတွက်သာကြည့်ပြီး စစ်အာဏာရှင်ပီပီ စစ်နည်းဗျူဟာ။ နည်းပရိယာယ်ပေါင်းစုံတွေကို လုပ်ကိုင်ဆောင်ရွက်လာခဲ့ကြပါတယ်၊ တကယ့်အခြေခံ သဘောတရားနဲ့ ဆန့်ကျင်ဘက်ဖြစ်တဲ့ ကျင့်ဝတ်တွေကို ကျင့်သုံးလာခဲ့တယ်၊ ဆန့်ကျင်ဘက် ကျင့် ၀တ်တွေက စစ်အမြင်။ စစ်တပ်ရပ်တည်ချက်နှင့် စစ်အာဏာတည်မြဲရေး စတဲ့စစ်နည်းဗျူဟာတွေနဲ့ ပြည်သူလူထုကို ဖိနှိပ်ချုပ်ချယ်။ ကမ်းကုန်အောင်ရက်စက်ဖို့ အကောင်အထည်ဖော်ခဲ့ကြခြင်းဖြစ်ပါ တယ်၊
စစ်အစိုးရရဲ့ အကောင်အထည်ဖော်မှု နည်းဗျူဟာတွေကတော့
(၁) ပြည်သူပိုင်သိမ်းခြင်းဆိုသော ခေါင်းစဉ်ဖြင့် စစ်အုပ်စုလက်ဝါးကြီးအုပ် စီးပွားရေး စနစ်ထူထောင်ခဲ့ခြင်း။
(၂) ကုန်ထုတ်လုပ်ရေးထက် ကုန်စည်ဖြန့်ချီရေးကို မနိုင်မနင်း အထူးတလည် ဦးစား ပေးခဲ့ခြင်း။
(၃) ပြည်သူလူထုရဲ့ လယ်ယာမြေယာတွေကို အဓမ္မသိမ်းပိုက်ခြင်း။ ပြည်သူပိုင်လုပ် ငန်းများကို လက်ဝါးကြီးအုပ်ခြင်း စတဲ့လုပ်ကိုင်ဆောင်ရွက်မှုတွေကြောင့် စစ်အစိုးရနဲ့ ပြည်သူတွေ အကြား ဆက်ဆံရေးတင်းမာခဲ့ခြင်း။
(၄) ကျောင်းသားများရဲ့ သမဂ္ဂအဆောက်အအုံကို ဖျက်ဆီးဖြစ်ခြင်း။ ကျောင်းသားများ နှင့် ပြည်သူတွေကို ရန်တိုက်ပေးခြင်း။
(၅) တိုင်းရင်းသားလူမျိုးစုံများနှင့် သွေးစည်းညီညွတ်ရေးမှာ ပြည်ထောင်စုမူကို ပြည့် ပြည့်၀၀ မကျင့်သုံးခဲ့ခြင်း။ အကောင်အထည်မဖော်ခဲ့ခြင်းတို့ကြောင့် ပြည်သူလူထုမှာ အော့နှလုံးနာခဲ့ရ ခြင်းဖြစ်ပါတယ်၊
ဤသို့ဖြင့် မဆလအစိုးရရဲ့ လုပ်ရပ်တွေ။ လိမ်လည်မှုတွေအောက်မှာ ပြည်သူလူထုကြီးရဲ့ အထွေထွေမကျေနပ်မှုတွေကို ခံစားလာခဲ့ရပြီး ၁၉၈၈ ခုနှစ်။ မတ်လမှစပြီး ကျောင်းသားအရေးအခင်း ပေါ်ပေါက်လာခဲ့တာဟာ နောက်ဆုံး ဒီမိုကရေစီတောင်းဆိုမှုအရေးတော်ပုံကြီးအထိ ပေါက်ကွဲဖြစ်ပေါ် လာခဲ့ရခြင်းဖြစ်ပါတယ်၊
၁၉၈၈ ခုနှစ်။ မတ်လမှစပြီး ကျောင်းသားအရေးအခင်းပေါ်ပေါက်လာတာဟာ နောက်ဆုံး ဒီမိုကရေစီတောင်းဆိုမှုအရေးတော်ပုံကြီးအထိ ပေါက်ကွဲဖြစ်ပေါ်လာခဲ့တယ်၊ တကယ်လို့များ ၁၉၈၈ ခု။ မတ်လအတွင်းက ဖြစ်ပွားခဲ့တဲ့ ကျောင်းသားအရေးအခင်းကို မဆလအစိုးရဟာ မိဘသဖွယ် စိတ်ရင်း စေတနာကောင်းဖြင့် ဖြေရှင်းပေးပါက ပြေလည်သွားရမယ့် ပြဿနာကို စစ်အာဏာရှင်အစိုးရပီပီ လက်နက်တွေ တရမ်းရမ်း။ ပစ်မယ်။ ခတ်မယ် တကဲကဲပါ၊ မလိုအပ်ပါပဲနဲ့ အကြမ်းဖက်လက်နက် အားကိုးပြီး ဖြိုးခွင်းခဲ့တဲ့အတွက် လူထုတရပ်လုံး မခံမရပ်နိုင်ပဲ အုံကြွပေါက်ကွဲကာ “၈၈” ဒီမိုကရေစီ အရေးတော်ပုံကြီးအထိ ဆက်လက်ဖြစ်ပွား ပေါ်ပေါက်ခဲ့ရခြင်းဖြစ်ပါတယ်၊
မဖြစ်မနေလုပ်မယ်ဆိုတဲ့ဆုံးဖြတ်ချက်ဟာ အောင်မြင်မှုအတွက်။ အမှန်တရားအတွက် အဓိကသော့ ချက်ဖြစ်တယ်ဆိုတဲ့အတိုင်း
ထိုသို့သော စစ်အာဏာရှင်အစိုးရရဲ့ စီးပွားရေး။ လူမှုရေး။ နိုင်ငံရေး ပြဿနာအခြေအနေများ အောက် ပြည်သူလူထုအတွင်း အထွေထွေမကျေနပ်မှုများ ဖြစ်ပေါ်နေစဉ်ကာလမှာ စက်မှုတက္ကသိုလ် ကျောင်းသားအချို့နှင့် အင်းစိန်ကြို့ကုန်း အနောက်ရပ်ကွက်မှ လူငယ်အချို့တို့ရဲ့ မထင်မှတ်။ မမျှော် လင့်ပဲ ခိုက်ရန်ဖြစ်ပွားခဲ့ရတဲ့ သာမန်ရန်ပွဲလေးတခုကို အကြောင်းပြု။ အရင်းပြုပြီး လူထုအုံကြွမှုဖြစ်တဲ့ ဒီမိုကရေစီအရေးတော်ပုံကြီးကို စတင်သန္ဓေတည်ခဲ့ရခြင်းပါ၊
၁၉၈၈ ခုနှစ်။ မတ်လ (၁၂)ရက်နေ့။ ည (၉)နာရီ (၁၅)မိနစ်အချိန်ခန့်မှာ အင်းစိန်ကြို့ကုန်း ဘူတာအနီး စန္ဒာဝင်း လက်ဖက်ရည်ဆိုင်မှာ စက်မှုတက္ကသိုလ် ဒုတိယနှစ်ကျောင်းသားများဖြစ်ကြတဲ့ ကိုကျော်ဆန်းဝင်း။ ကိုဝင်းမြင့်တို့နှစ်ဦးနှင့် အရက်မူးနေတဲ့ ရပ်ကွက်ကောင်စီဥက္ကဌရဲ့သား ဇော်ဇော် (ခ) ညီညီလွင်အပါအ၀င် အပေါင်းအပါငါးဦးတို့နဲ့ ကက်ဆက်ဖွင့် ခိုင်းရာမှအစပြုပြီး ခိုက်ရန်ဖြစ်ပွား ခဲ့ခြင်းဖြစ်ပါတယ်၊ အဲဒီရန်ပွဲမှာ စက်မှုတက္ကသိုလ်ကျောင်းသားနှစ်ဦး အရိုက်ခံရမှုနဲ့ပတ်သက်ပြီး အင်း စိန်ပြည်သူ့ရဲတပ်ဖွဲ့မှ ကျူးလွန်သည်ဟု ယူဆရတဲ့ ဇော်ဇော် (ခ) ညီညီလွင်နှင့် အပေါင်းအပါငါးဦးတို့ကို ပြစ်မှုဆိုင်ရာ ဥပဒေပုဒ်မ ၃၂၅/၁၁၄ အရ အမှုဖွင့်ပြီး အရေးယူဖမ်းဆီးခဲ့သော်လည်း မတ်လ (၁၃)ရက် နေ့မှာ ရပ်ကွက်ကောင်စီဘက်က ဖိအားပေးမှုကြောင့် အင်းစိန်ပြည်သူ့ရဲတပ်ဖွဲ့မှ ပြစ်မှုနှင့် မသက်ဆိုင် ကြောင်းပြောဆိုပြီး ဇော်ဇော် (ခ) ညီညီလွင်တို့ကို ပြန်လွှတ်ပေးခဲ့ပါတယ်၊ ဒီကိစ္စကို စက်မှုတက္ကသိုလ် ကျောင်းသားများက သိရှိသွားကြသဖြင့် ကျောင်းသားတွေရဲ့ မကျေမနပ်ဖြစ်ပွားလာပြီး။ ထိုည (၈)နာရီ (၃၀)မိနစ်အချိန်ခန့်မှစ၍ စန္ဒာဝင်းလက်ဖက်ရည်ဆိုင်နှင့် ကြို့ကုန်းအနောက်ရပ်ကွက် ပြည်သူ့ကောင်စီ ရုံးတို့အား ၀ိုင်းရံပြီး ခဲများ။ တုတ်များဖြင့် ပစ်ပေါက်ခြင်း။ အော်ဟစ်တောင်းဆိုခြင်းများ ပြုလုပ်ခဲ့ကြပါ တယ်၊
အမှန်တရားအတိုင်း ဖော်ထုတ်ပေးဖို့။ အပြစ်ရှိသူတွေကို တိတိကျကျအရေးယူပေးဖို့ ရိုးရိုး သားသား တောင်းဆိုခဲ့ကြပါတယ်၊ ဒါကို သက်ဆိုင်ရာ အာဏာပိုင်များရဲ့ အမိန့်နဲ့ လုံခြုံမှုထိန်းသိမ်းရေး တပ်ဖွဲ့ဝင်များက လက်နက်များနဲ့ ပစ်ခတ်လူစုခွဲမှုကြောင့် ကျောင်းသားကျောင်းသူအများအပြား ဒဏ် ရာရရှိခဲ့ကြပါတယ်၊ အဲဒီလို ပစ်ခတ်ခဲ့မှုကြောင့် စက်မှုတက္ကသိုလ်ကျောင်းသား ကိုဖုန်းမော်ဟာ သေနတ်ထိမှန်ပြီး သေဆုံးသွားခဲ့ရပါတယ်၊ ဆရာတွေနဲ့ ကျောင်းသားကျောင်းသူတွေက သေနတ်ထိ မှန်ပြီး သေဆုံးသွားရတဲ့ ကိုဖုန်းမော်ကို ပွေ့ယူပြီး စက်မှုတက္ကသိုလ်ကျောင်းအတွင်းမှာ ၀ှက်ထားခဲ့ကြ ပါတယ်၊
ဒါကြောင့် စက်မှုတက္ကသိုလ်ကျောင်းသားတို့ဟာ သေဆုံးဒဏ်ရာရသူ ကျောင်းသားများကို အကြောင်းပြုပြီး ဆူပူဆန္ဒပြခဲ့ကြပါတယ်၊ ထို့ပြင် ကျောင်းသားကျောင်းသူများအရေးနှင့် ပတ်သက်တဲ့ တောင်းဆိုချက်များကိုလည်း တောင်းဆိုခဲ့ကြပါတယ်၊ အဲဒါတွေကတော့
(က) ကျောင်းများ မပိတ်ရ။
(ခ) ကျောင်းပတ်ဝန်းကျင်ရှိ လုံခြုံရေးချထားတဲ့ လုံခြုံရေးရဲများကို အမြန်ဆုံး ရုတ်သိမ်းပေးရန် နှင့်
(ဂ) တောင်းဆိုချက်များကို အမြန်ဆုံး ဖြေရှင်းပေးနိုင်မယ့် တာဝန်ရှိသူတစ်ဦးဦးနှင့် ကျောင်း သားကိုယ်စားလှယ်ခေါင်းဆောင်း (၅)ဦးက တွေ့ဆုံလက်ခံညှိပေးရန်နှင့် ဖြေရှင်းမပေးနိုင်ပါက တာဝန် ရှိသူများ အနီးသို့ မလာရောက်ရန် စသည်တို့ကို ကျောင်းသားကျောင်းသူများက တောင်းဆိုခဲ့ကြပါ တယ်၊
ထို့နောက် ၁၉၈၈ ခုနှစ်။ မတ်လ (၁၅)ရက်နေ့မှာ စက်မှုတက္ကသိုလ်ကျောင်းသားများသည် ကျောင်းဝင်းအတွင်း တောင်းဆိုအော်ဟစ်ဆန္ဒပြခဲ့ကြပါတယ်၊ သို့အတွက်ကြောင့် စစ်အစိုးရက ကျောင်းများကို ပိတ်လိုက်ကြောင်း ကြေညာခဲ့တဲ့အပြင် မတ်လ (၁၆)ရက်နေ့မှာလည်း ကျောင်းသား ကျောင်းသူများရဲ့ တောင်းဆိုချက်များကို ပြန်လည်ဖြေရှင်းမှုလည်း မလုပ်ခဲ့ကြပါဘူး၊ ဒီလိုပြန်လည် ဖြေကြား။ ဖြေရှင်းမှုတွေ မရရှိမှုနဲ့ ကျောင်းများပိတ်လိုက်မှုကြောင့် ကျောင်းသားကျောင်းသူများ အုံကြွ လာပြီး ရန်ကုန်တက္ကသိုလ်(ပင်မ)သို့တိုင် ကူးစက်ပျံ့နှံ့သွားခဲ့ပါတယ်၊ ထို့နောက်မှာလည်း ကျောင်းသား ကျောင်းသူများဟာ ရန်ကုန်တက္ကသိုလ်(ပင်မ)မှ ရန်ကုန်တက္ကသိုလ်(လှိုင်နယ်မြေ)သို့တိုင် ဆန္ဒပြ တောင်းဆိုချီတက်ခဲ့ကြပြန်ပါသေးတယ်၊ ကျောင်းသားကျောင်းသူအားလုံး ယခင် တံတားဖြူ (ယခုအခါ တံတားနီ)အနီးအရောက်မှာ လုံထိန်းရဲတပ်ဖွဲ့ဝင်တွေက လူစုခွဲပစ်ခတ်တိုက်ခိုက်ခဲ့ရာမှာ ကျောင်းသား ကျောင်းသူ ပေါင်းများစွာ အင်းလျားကန်ပေါင်ပေါ်မှာ သေကြေဘ၀ပျက်ခဲ့ကြရပါတယ်၊ စစ်အစိုးရဟာ လည်း သေဆုံးသွားတဲ့ ကျောင်းသားကျောင်းသူအလောင်းများကို ညတွင်းချင်းပဲ မီးရှို့ဖျောက်ပစ်ခဲ့ကြ ပါတယ်၊ ဒီကိစ္စနဲ့ပတ်သက်ပြီး တစ်လခန့်ကြာမှတာ သေဆုံးသွားသူတွေရဲ့ မိဘများထံ စာဖြင့် အကြောင်းကြားခဲ့တာတွေ လုပ်ခဲ့ပါတယ်၊ အဲဒီဆန္ဒပြမှုမှာ ပါဝင်ခဲ့တဲ့ ကျောင်းသားကျောင်းသူ (၁၅၄) ယောက်ခန့်ကိုလည်း စစ်အစိုးရက ဖမ်းဆီးထိန်းသိမ်းခဲ့ပါသေးတယ်၊ သို့သော် ဒါတွေနဲ့ပတ်သက်ပြီး စစ်အစိုးရက သေဆုံးသူမရှိကြောင်း ဗြောင်လိမ်ပြီး ထုတ်ပြန်ကြေညာချက်တခုကို ထုတ်ပြန်ခဲ့ပါတယ်၊
ကျောင်းသားကျောင်းသူများရဲ့ ဆန္ဒပြတောင်းဆိုလှုပ်ရှားမှုတွေကတဆင့် လူထုအုံကြွမှုကြီး ဖြစ်လာဖို့ သန္ဓေတည်ခဲ့ခြင်းပါ၊ ထို့ကြောင့် မဖြစ်မနေလုပ်မယ်ဆိုတဲ့ ဆုံးဖြတ်ချက်ဟာ အောင်မြင်မှု အတွက်။ အမှန်တရားအတွက် အဓိကသော့ချက် ဖြစ်တယ်ဆိုသည့်အတိုင်း ကျောင်းသားကျောင်းသူ တွေဟာ ဆန္ဒပြတောင်းဆိုလှုပ်ရှားခဲ့ကြရခြင်းဖြစ်ပါတယ်၊ အဲဒီကမှတဆင့်တက်ပြီး တနိုင်ငံလုံးရှိ ပြည် သူလူထုအုံကြွပေါက်ကွဲမှုဖြစ်တဲ့ “၈၈”ဒီမိုကရေစီအရးတော်ပုံကြီးတရပ် ဖြစ်ပေါ်လာဖို့ အစချီခဲ့ခြင်း မဟုတ်ပေလား၊
သုံးသပ်ချက်
ဒီလို ကျောင်းသားလှုပ်ရှားမှုကနေတဆင့် တနိုင်ငံလုံး လူထုအုံကြွမှုကြီးဖြစ်တဲ့ “၈၈”ဒီမိုကရေစီ အရေးတော်ပုံ ပေါက်ဖွားလာခဲ့တယ်၊ ပြီးတော့ ၉၀ ရွေးကောက်ပွဲမှာ အဲန်အယ်လ်ဒီပါတီက မဲအပြတ် အသတ်နိုင်ခဲ့တာကို စစ်အစိုးရက လွှဲပြောင်းမပေးတာကြောင့် ၉၀ ရွေးကောက်ပွဲရလဒ်အတွက် တိုက် ပွဲဝင်လာခဲ့ရတယ်၊ ဒီတိုက်ပွဲမှာ အတိုက်အခံအင်အားစုတွေ။ တိုင်းရင်းသားပါတီ။ ၈၈ မျိုးဆက် ကျောင်းသားများနဲ့ ပြည်ပရောက် ဒီမိုကရေစီအင်အားစုတွေဟာ နည်းအမျိုးမျိုး။ ဘက်ပေါင်းစုံနဲ့ တိုက် ပွဲတွေ ၀င်လာခဲ့ကြတယ်၊ ယခုတိုင်ပဲ ဆက်လက်တိုက်ပွဲဝင်နေကြတယ်၊ နိုင်ငံရေးနည်းနဲ့ ဖြေရှင်းတိုက် ပွဲဝင်ကြတာ။ လက်နက်နဲ့ ပြန်လည်တော်လှန် တိုက်ပွဲဝင်ကြတာ။ အကြမ်းမဖက်တဲ့ အနုနည်းနဲ့ တိုက် ပွဲဝင်လာကြတာ စသဖြင့် နည်းနာပေါင်းစုံနှင့် တိုက်ပွဲဝင်ခဲ့ကြတာ ဖြစ်ပါတယ်၊ မြန်မာနိုင်ငံမှာ စစ်အာဏာရှင်စနစ် ထွန်းကားနေတာကို ဒီမိုကရေစီအင်အားစု။ အတိုက်အခံအင်အားစု။ တိုင်းရင်း သားအင်အားစုတွေက စစ်အာဏာရှင်စနစ်ကို ဖြုတ်ချဖို့အတွက် တောင်းဆိုတိုက်ပွဲဝင်လာခဲ့ကြရတယ်၊ မြန်မာနိုင်ငံကို စစ်မှန်တဲ့ဒီမိုကရေစီစနစ် ထွန်းကားလာဖို့အတွက်ကို အပတ်တကုတ် ကြိုးစားဆောင် ရွက်ပြီး တိုက်ပွဲဝင်လာခဲ့ခြင်းဖြစ်ပါတယ်၊ ဒါပေမယ့် တကယ့်တကယ်တမ်းမှာ အတိုက်အခံပါတီ အင်အားစုတွေ။ ဒီမိုကရေစီအင်အားစုတွေ။ တိုင်းရင်းသားအင်အားစုတွေက ဘယ်လောက်ပဲ တိုက်ပွဲ ၀င်ပါစေအုံး။ ပြည်သူမပါပဲနဲ့ အောင်မြင်မှုကို ရလာမှာ မဟုတ်ဘူး၊
နောက်တခုက ၁၉၆၂ ခုနှစ် ဦးနေ၀င်းက စစ်တပ်နဲ့ အာဏာသိမ်းခဲ့တဲ့ အချိန်ကစပြီး ဖြစ်ခဲ့တဲ့ လှုပ်ရှားမှုသမိုင်းတိုင်းဟာ ကြိုတင်ပြင်ဆင်ခဲ့တဲ့တိုက်ပွဲတွေ။ လှုပ်ရှားမှုတွေ မဟုတ်ခဲ့ပါဘူး၊ ဒါတွေဟာ ကျနော်တိုဏ္ဍရင်ထဲမှာ။ ပြည်သူတွေရဲ့ ရင်ထဲမှာ မခံချိမခံသာနိုင် လောက်အောင်။ အထွေအထွေ မကျေနပ်ချက်တွေ ဖြစ်လာပြီးတော့မှ ဟုန်းကနဲ့ဆို ထပေါက်ကွဲခဲ့တဲ့ အခြေအနေ။ အဖြစ်အပျက်ဖြစ် ရပ်တွေပဲ ဖြစ်ပါတယ်၊ ဒါကြောင့်လည်း ကျနော်တို့ဟာ ကျစ်လစ်ခိုင်မာတဲ့ ခေါင်းဆောင်မှုမျိုးတွေ။ စည်းလုံးမှုမျိုးတွေ စနစ်တကျနဲ့ မတည်ဆောက်နိုင်ခင်မှာပဲ နအဖစစ်အစိုးရက ဖမ်းဆီးနိုင်ခဲ့ရုံတင်မက ပဲ။ ဖြိုခွဲဖျက်ဆီးပစ်နိုင်ခဲ့ကြပါတယ်၊ ဒီအတွက်ကြောင့် ကျနော်တို့ဟာ အခု လက်ရှိမှာ တိုက်ပွဲတွေ။ လှုပ်ရှားမှုတွေရဲ့ ပြဿနာ။ အခက်အခဲတွေကို ပြန်ပြီး သေသေချာချာ မစဉ်းစားနိုင်ကြသေးဘူး၊ နောက်ပြီးတော့လည်း ရရှိခဲ့တဲ့ပြဿနာအရင်းအမြစ်ရဲ့ အတွေ့အကြုံတွေကို ပြန်လှန်ပြီးတော့ အသုံး မချနိုင်ခဲ့သေးပါဘူးလို့ ကျနော်ထင်ပါတယ်၊
နောက်ပြီး တကယ်ဆိုရင် မြန်မာနိုင်ငံမှာ ဖြစ်ခဲ့တဲ့လှုပ်ရှားမှုသမိုင်းတိုင်းရဲ့ အရင်းအမြစ်တွေကို လူထုတွေ သိအောင်။ မြင်အောင်။ ထင်ထင်ရှားရှားဖြစ်လာအောင် ကျနော်တို့တွေက ကွက်ကွက် ကွင်းကွင်း မြင်သာလာအောင် လုပ်ဆောင်ကြိုးပမ်းပေးရမှာ ဖြစ်ပါတယ်၊ အဲဒီအဖြစ်အပျက်တွေက နေပြီး ကျနော်တို့က လူထုတွေရဲ့ ရင်ထဲက ခံစားချက်တွေကို ထွက်ပေါ်လာအောင် လှုံ့ဆော်စည်းရုံး ပေးလိုက်မယ်ဆိုရင် မကြာပါဘူး။ လူထုတွေရဲ့ စည်းလုံးမှု။ စုစည်းမှု။ ပါဝင်ပူးပေါင်းလာမှုတွေဟာ အလုံးအရင်းနဲ့ကို ရောက်လာမှာပါလို့ ကျနော်ထင်ပါတယ်၊ လူထုအားလုံး ကျန်ာတို့နဲ့ စုမိ။ ပေါင်းမိလာ ကြပါလိမ့်မယ်၊
ဒါ့အပြင် ဒီမိုကရေစီကြီး ပေါ်ထွန်းလာဖို့အတွက် လူထုတွေရဲ့ ရင်ထဲမှာ ဘာရှိသလဲဆိုတာကို အရင်သိဖို့လိုလိမ့်မယ်၊ တခြားမကြည့်ပါနဲ့ ကျနော်တို့ကိုယ့်ကိုယ်က ဒီမိုကရေစီစနစ်ဖြစ်ထွန်းလာဖို့ ဆိုတဲ့ ‘မျှော်လင့်ချက်’ဆိုတာရှိနေပါတယ်၊ ဒါကြောင့် ဒီမျှော်လင့်ချက်တွေ ထင်ရှားလာစေဖို့အတွက် ဆိုရင် ကျနော်တို့ဟာ လူထုတွေရဲ့ အလိုချင်ဆုံးအရာတွေ ဖြစ်ပေါ်လာအောင် လုပ်ဆောင်ပေးရမှာပါ၊ အမှန်တရားအတွက် ကျနော်တို့ဟာ ကြိုးပမ်းကြရမှာပါ၊ လူထုတွေကို အကြောက်တရားက အနိုင်ယူ လွှမ်းမိုးမထားနိုင်ပါဘူး၊ အပြင်ဘမ်းကြည့်ရင်တော့ လူထုတွေက ကြောက်နေကြတယ်လို့ ထင်နိုင်ကြ ပေမယ့်။ တကယ့်လက်တွေ့မှာတော့ လူထုတွေဟာ ကြောက်နေတာမဟုတ်ပါဘူး၊ လူထုတွေက မပြောဘူး။ မဆိုဘူးလို့ မြင်ပေမယ့်။ လူထုဟာ ပါးစပ်ပိတ်ထားပေမယ့် အသေအချာကြည့်လိုက်ရင် လူထုတွေဟာ မကျေနပ်မှုတွေကို အံကြိတ်ပြီး ရင်ဆိုင်နေသူတွေပါ၊ အဲဒီအံကြိတ်နေတာဟာ ကောင်း သော အံကြိတ်ခြင်းလား။ မကောင်းသော အံကြိတ်ခြင်းလား။ စဉ်းစားကြည့်ကြပါ၊ နအဖစစ်အစိုးရ ဘက်က ကြည့်ရင်တော့ ဒီလိုအံကြိတ်ခြင်းဟာ ကြောက်စရာကောင်းနေပါလိမ့်မယ်၊ မကောင်းသော အံကြိတ်ခြင်းလို့ သူတို့က မြင်ကြပါလိမ့်မယ်၊ ပြည်သူလူထုဘက်က။ အမှန်တရားဘက်က ကြည့်ရင် တော့ ကောင်းသော အံကြိတ်ခြင်းပါပဲ၊ မကြာခင်အချိန်အတွင်းမှာ စနစ်တကျနဲ့ နောက်ထပ်လူထု အုံကြွမှုကြီးတရပ် မဖြစ်ပေါ်နိုင်ဘူးလို့ ဘယ်သူပြောရဲလဲ၊ ကျနော့်အနေနဲ့ကတော့ လူထုတွေရဲ့ အံကြိတ်မှုတွေဟာ များမကြာမီမှာ ဒီမိုကရေစီအင်အားစုတွေ။ အတိုက်အခံအင်အားစုတွေ။ တိုင်းရင်း သားအင်အားစုတွေနဲ့ ပြည်သူလူထုကြီးဟာ ပေါင်းစည်းလာလိမ့်မယ်လို့ ထင်ပါတယ်၊ လူထုရဲ့ မကျေနပ်မှုကနေ။ အံကြိတ်နေမှုကနေ ပေါက်ကွဲလာလိမ့်မယ်လို့ ကျနော်တော့ ပြောချင်ပါတယ်၊ နောက်တခုက ကျနော်တို့ကိုယ်တိုင်က ပြည်သူလူထုအတွက် ရှေ့ဆောင်လမ်းပြမှုတွေနဲ့ စည်းစနစ် တကျနဲ့ အားကျိုးမာန်တက် စွမ်းဆောင်ကြိုးပမ်းရမှာပါ၊ ဒါမှသာ လူထုတွေရဲ့ ရင်ထဲမှာရှိနေတဲ့။ ဖြစ် ပေါ်နေတဲ့။ လူတယောက်ချင်းစီမှာ ဖြစ်ပေါ်နေတဲ့ မျှော်လင့်ချက်တွေဟာ အရောက်လတ်လာမှာပါ၊ နောက်ပြီး အဲဒီမျှော်လင့်ချက်တွေဟာ တဖြည်းဖြည်းနဲ့ လူအများအပြားဆီ ကူးစက်ပေါင်းကူးလာမယ်၊ အမြို့မြို့။ အနယ်နယ်။ အရပ်ရပ်တွေအားလုံးကို ပြန့်နှံ့သွားပြီးဆိုတာနဲ့ လူထုတွေရဲ့ ပေါင်းစည်းလာမှု ကို ရစေမှာ။ ဖြစ်ပေါ်စေမှာ ဖြစ်ပါတယ်၊ ဒါမှသာ နအဖစစ်အစိုးရက ပြည်သူလူထုကြားမှာ အကြောက် တရားတွေ စိုးမိုးလာအောင်။ လွှမ်းမိုးလာအောင် လုပ်ဆောင်နေတဲ့ အရာမှန်သမျှဟာ ပြည်သူလူထု အပေါ်မှာ ဘယ်လိုမှ အရာထင်တော့မှာ မဟုတ်ပါဘူး၊ တိုတိုပြောရရင် “ကြောက်အောင် ခြောက်ထား တဲ့ အရာတွေဟာ အခါခတ်သိမ်း အနိုင်ယူ လွှမ်းမိုးမထားနိုင်ဘူး” ဆိုတာပါပဲ၊ ၊
မာန်လှိုင်းငယ်
၂၀၀၇ ခုနှစ်။ သြဂုတ်လ (၅)ရက်၊
Posted in: ဆောင်းပါး
0 comments:
Post a Comment