10:54 AM
မာန်လှိုင်းငယ်
ဧရာဝတီ၊ ကိုသက် | စက်တင်ဘာ ၁၀၊ ၂၀၀၇
စစ်အစိုးရက ရှောင်တိမ်းနေကြသော နိုင်ငံရေးလှုပ်ရှားသူများအားဖမ်းဆီးနိုင်ရေးအတွက် ၎င်းတို့၏ မိဘဆွေမျိုးများနှင့် မိတ်ဆွေအပေါင်းအသင်းများအား စောင့်ကြည့်နေကြောင်း သိရသည်။
၈၈ မျိုးဆက်ကျောင်းသူ မနီလာသိန်းကို ဖမ်းဆီးနိုင်ရန် အာဏာပိုင်တို့က ၄ လအရွယ်သမီးငယ် နေကြည်မင်းယု အား တည်ကြက်ထားကာ လိုက်လံစောင့်ကြည့်လျက် ရှိကြောင်း မနီလာသိန်းက ဧရာဝတီကို ပြောသည်။
မနီလာသိန်းသည် ကျောင်းသားခေါင်းဆောင် ကိုဂျင်မီ၏ ဇနီးဖြစ်ပြီး ယခုအခါ ၎င်း၏သမီးငယ် နေကြည်မင်းယုအား ယောက္ခမဖြစ်သူက ကြည့်ရှုစောင့်ရှောက်လျက်ရှိသည်။
ကိုဂျင်မီသည် သြဂုတ်လ ၂၁ ရက်နေ့ညက ကျောင်းသား ခေါင်းဆောင်များဖြစ်ကြသည့် ကိုမင်းကိုနိုင်၊ ကိုဇေယျ၊ ကိုကိုကြီးတို့နှင့်အတူ အာဏာပိုင်တို့၏ ဖမ်းဆီးခြင်းကို ခံခဲ့ရသည်။
လွန်ခဲ့သည့် စနေ၊ တနင်္ဂနွေ နေ့များက ကိုဂျင်မီအား အာဏာပိုင်တို့က စစ်ကြောရေးစခန်းတွင် စစ်ဆေးရင်း လက်လွန်ကာ သေဆုံးသွားသည်ဟူသော ကောလာဟလသတင်း ထွက်ပေါ်ခဲ့သည်။
၈၈ မျိုးဆက်ကျောင်းသား ကိုထွန်းမြင့်အောင်သည်လည်း စစ်အစိုးရ၏ မတရားလိုက်လံဖမ်းဆီးမှုကြောင့် ရှောင်တိမ်းနေ ရသူတဦးဖြစ်ပြီး ၎င်းအားဖမ်းဆီးနိုင်ရေးအတွက် သူ၏မိသားစုဝင်များကိုလည်း အာဏာပိုင်တို့က အနီးကပ်စောင့်ကြည့် နေကြောင်း သိရသည်။
“အမေဆေးခန်းသွားလည်း နောက်ကနေလိုက်တာ။ အိမ်ကလူတွေဘယ်သွားသွား၊ ကလေးကျောင်းပို့တာကအစ ဗြောင်လိုက်တာ။ အခုတရက်၊ နှစ်ရက်မှာတော့ ဗြောင်မလိုက်တော့ဘူး။ ပုံစံပြောင်းသွားပြီ၊ လူရောင်ဖျောက်ပြီး လိုက်တယ်။ အိမ်နားမှာလည်း ကင်းပုန်းဝပ်သလို ကိုယ်ရောင်ဖျောက်ထားတယ်” ဟု ကိုထွန်းမြင့်အောင်က ဧရာဝတီကို ပြောသည်။
ကိုထွန်းမြင့်အောင်၏မိခင်သည် အသက် ၇၅ နှစ်ရှိပြီဖြစ်ပြီး ကျန်းမာရေးချို့တဲ့သောကြောင့် နေ့စဉ် ဆေးခန်းသို့ သွားနေရသူ ဖြစ်သည်။
“သူက သူ့အမေကို သံယောဇဉ်အတော်ကြီးတယ်။ သူ့အမေ တခုခုဖြစ်ရင်တော့ ဒီကောင်ရောက်လာမှာပဲ။ အဲဒီအခါကျရင် သူ့ကိုအလွယ်တကူ စောင့်ဖမ်းရုံပဲ လို့ ပြောသံတွေကို ပြန်ကြားရတယ်” ဟုလည်း သူက ဆက်ပြောသည်။
သြဂုတ်လ ၂၁ ရက်နေ့မှစ၍ ကိုထွန်းမြင့်အောင်၏နေအိမ်ကို အာဏာပိုင်တို့က လေးကြိမ်ဝင်ရောက်ရှာဖွေခဲ့ပြီး အမနှစ်ဦး၏ နေအိမ်များကိုလည်း ဧည့်စာရင်းစစ်ကာ ၎င်းအားဖွက်ထားပါကထုတ်ပေးရန်ပြောသည်ဟုလည်း ကိုထွန်းမြင့်အောင်က ပြောသည်။
ရန်ကုန်အခြေစိုက် အနောက်နိုင်ငံသံရုံးတခုက လွတ်မြောက်နေသည့် ကျောင်းသားခေါင်းဆောင် ကိုဌေးကြွယ်အား
ဝှက်ပေးထားသည်ဟု စစ်အစိုးရက ယမန်နေ့က စွပ်စွဲပြောဆိုလိုက်သည်။
၎င်းစွပ်စွဲမှုအပေါ် ကိုထွန်းမြင့်အောင်က “မဖြစ်နိုင်ပါဘူး။ အဓိပ္ပါယ်မရှိတဲ့ကိစ္စပဲ။ နိုင်ငံရေးလုပ်ရင်းနဲ့ ရှောင်တိမ်းပြီးတော့ လုပ်နိုင်သလောက်လုပ်သွားမယ်၊ အဖမ်းခံရရင်လဲ ဘာတတ်နိုင်မှာလည်းဗျာ။ ရှောင်တိမ်း လုပ်ကိုင်ရင်းနဲ့ အဖမ်းခံရတဲ့ ကာလတွေလည်း ကြုံဖူးတာပဲ” ဟု ပြောသည်။
လတ်တလော ရှောင်းတိမ်းနေရသူများအားလုံးကို သာမန်ပြည်သူများကသာ အကာအကွယ်ပေးနေခြင်းဖြစ်ပြီး ထိုသို့ အကာအကွယ်ပေးသူများတွင် ၎င်းတို့ တခါမျှ မတွေ့ဆုံဘူးသူများလည်းပါဝင်သည်ဟု ကိုထွန်းမြင့်အောင်က ပြောသည်။
Posted in: သတင်း
0 comments:
Post a Comment