1:32 PM
မာန်လှိုင်းငယ်
မာန်လှိုင်းငယ်
“စက်တင်ဘာ မျက်ရည်”
သံဃာတော်တွေ အစော်ကားခံနေကြရတဲ့
မဇ္ဈိမဒေသရဲ့ မလှမ်းမကမ်း
ကျနော်တို့ရဲ့ နိုင်ငံတ၀ှမ်းမှာ
အဓမ္မကပဲ လွှမ်းမိုးထားမလား
ဓမ္မကပဲ လွှမ်းမိုးသွားမလားဆိုတာ --- ။
သရဲမရဲစီးနေတဲ့ စက်တင်ဘာ မုန်တိုင်းရဲ့ လက်
ရက်ရက်စက်စက် ချွေချလို့
နီဝါရောင်သွေးတွေ မြေခ
ဝသုန္ဒရေရဲ့ ရှိုက်သံ ဘ၀ဂ်ထိ လျှံခဲ့ပြီ။
သာသနာ့အလံကိုကိုင်ပြီး ချီတက်
မေတ္တာသုတ်တွေ ရွက်ဆိုရင်း
သံဃာတော်တွေ ကျတဲ့မျက်ရည်
ကျောင်းသားပြည်သူတွေ ကျတဲ့မျက်ရည်
တနေ့မှာ
ဓမ္မရဲ့ မေတ္တာတေးသံ
ကမ္ဘာရှည်တည်တံ့ လွှမ်းမိုးသွားလိမ့်မယ်။
စက်တင်ဘာ မျက်ရည်ကတော့
ရူးသွတ်နေတဲ့ မုန်တိုင်းကို အံတုရင်း
မြေမှာ ပေါင်းစည်းပျော်ဝင်
သမိုင်းသစ်ကို ရေးခြယ်ထုဆစ်
ကမ္ဘာမြေရဲ့ နှလုံးသားမှာ
မှတ်ကျောက်တင် တွင်ကျန်နေရစ်မယ်ဆိုတာ --- ။ ။
မာန်လှိုင်းငယ်
၂၀၀၇ ခုနှစ်၊ အောက်တိုဘာလ (၁၂)ရက်။
ကျနော် စက်တင်ဘာလ လမ်းလျှောက်ခှီတက်ပွဲအတွက် ဒီကဗျာနဲ့ လေးစားစွာ ဂုဏ်ပြုလိုက်ပါတယ်။
Posted in: ကဗျာ
0 comments:
Post a Comment