ကျောင်းသားလုပ်တဲ့နိုင်ငံရေး

ဗသြ

ကျောင်းသားတွေကို နိုင်ငံရေးမလုပ်နဲ့၊ စာပဲသင်ကြလို့ ပြောတဲ့လူတွေရှိကြတယ်။ ရည်ရွယ်ချက် အမျိုးမျိုး၊ စေတနာ အမျိုးမျိုးနဲ့ပဲ။ ဒီအထဲမှာ အုပ်စိုးသူတွေက အပြောဆုံး။ အင်္ဂလိပ် ကိုလိုနီတွေကနေ ကနေ့ နအဖ အထိ။

ကျောင်းသားတွေလုပ်တယ်ဆိုတဲ့ နိုင်ငံရေးဟာ အာဏာကိုလိုချင်လို့ အာဏာရရေးလုပ် တာ လား။ ကိုယ့်ကိုထိလာလို့ လုပ်တာလား။ ကျောင်းသားအကျိုးနဲ့ သက်ဆိုင်လို့လုပ်တာလား သမိုင်းကိုသေချာပြန်ကြည့်ရင် အရှင်းသိနိုင်တယ်။

ဗမာပြည် ကျောင်းသားသမိုင်းမှာ အစောဆုံးတိုက်ပွဲလို့ဆိုနိုင်တဲ့ ရှိခိုးပြဿနာကိစ္စကိုပဲ ကြည့်။ ၂၀ရာစုနှစ်ထဲဝင်ကာစ၊ ၁၉၀၃ ခုနှစ်ဆီက။ ကျောင်းသားတွေဟာ ကိုယ့်ဟာကိုယ်အေးအေး ကျောင်းတက်နေတာ။ ဒီလိုအခါမှာ အဲဒီတုန်းက ပညာဝန် အင်္ဂလိပ်လူမျိုး မစ္စတာကော့က ကျောင်းသား တွေဟာ ဆရာများနဲ့ပညာရေးဌာနက အရာရှိတွေကို ရှိခိုးအရိုအသေðပရမယ်လို့ အမိန့်ထုတ်ပြန်လိုက်တယ်။ ဒါဟာ ဗမာဘုရင်တွေလက်ထက်တုန်းက ဗမာဘုရင်တွေကို သူတို့ အနောက်နိုင်ငံသားတွေက ရှိခိုးရတာကို ပြန်ဂလဲ့စားချေတာဖြစ်တယ်။ နောက်ပြီး တချိန်မှာ ဗမာ နိုင်ငံသားထဲက အထက်ပိုင်းရောက်လာမယ့်၊ အရာရှိတွေ ဖြစ်လာမယ့် အေလိ(တ်) (elite)လောင်း လေးတွေကို ကြိုပြီးနံနှိမ်ထားတာဖြစ်တယ်။ ဒီနေ့ နအဖ စဉ်းစားနည်းအတိုင်း လုပ်တာပဲ။

ကျောင်းသားတွေဘက်ကနေ ဘယ်လိုရှိခိုးရမှာလဲလို့ သေချာအောင်ထပ်မေးတော့ လက်အုပ်ချီပြီးနဖူးနဲ့ထိ ရှိခိုးရမယ်လို့ အတိအကျပြန်ပြောတယ်။ သေနတ်စဖောက်တာဟာ အာဏာ ပိုင်တွေဘက်က ဖောက်တာပဲ။ ဒါကိုငုံ့ခံနေရမှာလား။ အဲဒီ တုန်းကသာ အလျော့ပေးလိုက်ရင် သခင်အောင်ဆန်းတို့၊ သခင်ဗဟိန်းတို့ မစ္စတာစလော့ကို လက်အုပ်ချီရတာ ဖြစ်တော့မှာပဲ။ နောက် ပြီး န၀တ၊ နအဖ စစ်ဗိုလ်တွေလည်း သိပ်ကိုသဘောကျလိုက်မယ့်ဖြစ်ခြင်း။

ဒါမျိုးမှာ ဆုတ်လို့၊ တွန့်လို့မရဘူး။ တန်ဘိုးဘယ်လောက်ပေးရ၊ ပေးရ ဆန့်ကျင်ရမှာပဲ။ ကျောင်းသားအရေးလို့လည်း ပြောလို့ရတယ်၊ အမျိုးသားဂုဏ်၊ အမျိုးသားမာန်နဲ့ ဆက်နေတယ် လို့လည်း ပြောလို့ရတယ်။ ဒါဟာဗမာပြည်သားအားလုံးကို စော်ကားတာ။ သူတို့အင်္ဂလိပ်ချင်းမှာ ဒီလိုအစဉ်အလာမရှိဘူး။ ဒါကြောင့်ကျောင်းသားနဲ့မိဘတွေဟာ ၀ိတိုရိယဟောလ် (ဂလုပ်ရုံ-နောင်မှာဂုဏ်ရုံ)မှာ အစည်းအဝေးကျင်းပပြီး ကော့ရဲ့အမိန့်ဟာ မဆီလျော်ကြောင်း၊ ဒါကြောင့် ဆန့်ကျင် ကန့်ကွက်ကြောင်း ဆုံးဖြတ်ကြတယ်။ သူတို့ရဲ့အယူအဆကို အဲဒီတုန်းက တက္ကသိုလ် ကျောင်းအုပ်ဖြစ်တဲ့ အင်္ဂလိပ်လူမျိုး မစ္စတာ ဝေးလ်ရစ်က တောင်မှ စာနာထောက်ခံတယ်။

ဒီလိုနဲ့အဲဒီအမိန့်ပြန်ရုပ်သိမ်းလိုက်ရတယ်။

ကျောင်းသားသမိုင်းရဲ့ ပထမဦးဆုံးလို့ဆိုရမယ့် တိုက်ပွဲဟာအောင်ပွဲနဲ့ မင်္ဂလာယူခဲ့တယ်။

၁၉၃၅-၃၆ တိုက်ပွဲများဟာ ကိုနုနဲ့ ကိုအောင်ဆန်းကို ကျောင်းကထုတ်လိုက်ရာကနေ တက္ကသိုလ်ကောလိပ်ကျောင်း သားတွေရော၊ အထက်တန်းကျောင်းသားတွေပါ ပါဝင်တဲ့ ဆန္ဒပြမှု ကြီးအဖြစ် ကြီးထွားလာတယ်။ ၁၉၃၆ခု၊ ဖေဖော်ဝါရီလကနေ မေလ ၆ ရက်နေ့အထိဖြစ်ခဲ့တဲ့ ဒီတိုက်ပွဲများကနေ အမျိုးသားကောလိပ်နဲ့ အမျိုးသားကျောင်းတွေ ပေါ်ထွက်ခဲ့တယ်။ ဗမာပြည် ပြည်သူတွေရဲ့ အမျိုးသားရေးနဲ့ နယ်ချဲ့ဆန့်ကျင်ရေးစိတ်ဓာတ်ကို တဆင့်တိုးမြ‡င့်ပေးနိုင်ခဲ့တယ်။ ကိုနုနဲ့ကိုအောင်ဆန်းကိုသာ ကျောင်းက ထုတ်မပစ်ခဲ့ရင် ဒီတိုက်ပွဲပေါ်မှာမဟုတ်ဘူး။

မန္တလေးအာဇာနည် ၁၇ ဦး ကျဆုံးခဲ့ရတဲ့ ကျောင်းသားများနဲ့ ရဟန်းသံဃာများရဲ့ ဆန္ဒပြပွဲ ဟာလည်း ကိုလိုနီအာဏာပိုင်တွေက ဗိုလ်အောင်ကျော်ကိုသတ်လို့ ပေါ်ထွက်လာတဲ့ တိုက်ပွဲပဲ။ ဗိုလ်အောင်ကျော်ကိုသတ်တာကရော။ ကျောင်းသားတွေဟာ ၁၃၀၀ ပြည့် အရေးတော်ပုံ တပ်သား တွေ ရေနံချောင်းကချီတက်လာတာကို အင်္ဂလိပ်ကလမ်းမှာ အနုနည်းရော၊ အကြမ်းနည်းပါ သုံးပြီး òဖိခွဲနေတာမို့ အတွင်းဝန်ရုံကိုဝိုင်းပြီးဆန္ဒပြကြတာ။ အေးအေးချမ်းချမ်းဆန္ဒပြကြတာ။ ဒါကို ရက်ရက်စက်စက် လူသေတဲ့အထိနှိပ် ကွပ်တယ်။

၇ ရက်ဂျူလိုင်အရေးအခင်းဆိုရင်လည်း ဗိုလ်နေ၀င်းတို့ဟာ ပထမဆုံးအာဏာသိမ်းတယ်။ နိုင်ငံတော်ရဲ့အာဏာကိုသိမ်းတယ်ဆိုတာ နိုင်ငံသားတွေဖြစ်တဲ့ ကျောင်းသားတွေကို အန္တရာယ်ပြု တာပဲ။ ၁၉၆၀ရွေးကောက်ပွဲမှာ မဲပေးခဲ့တဲ့ ကျောင်းသားတွေ နည်းမှ မနည်းပဲ။ အဲဒီဆန္ဒဖော်ပြမှုတွေ ကို ငြင်းပယ်ရုံမက အာဏာသိမ်းတဲ့နေ့မှာပဲ ၈ တန်းကျောင်းသားငယ် စ၀်မီမီသိုက်ကို မတရား ပစ်သတ်ခဲ့တယ်။ ဒါဟာကျောင်းသားတွေကိုရော တပြည်လုံးက ပြည်သူတွေကိုပါ လူသတ်ပြပြီး ခြိမ်းခြောက်လိုက်တာဖြစ်တယ်။ အဲဒီနောက်မှာ ဘယ်တုန်းကမှမရှိဖူးတဲ့ အဆောင်စည်းကမ်းတွေ ချမှတ်လာတယ်။ ဒါကိုက ကျောင်းသားတွေကို တမင်နံနှိမ်လိုက် တာဖြစ်တယ်။ သူတို့မှာ တဆင့်ပြီး တဆင့် ဦးချိုးသွားဖို့ အစီအစဉ်ရှိတယ်။ ဒီလိုအချိန်မှာ ကျောင်းသားတွေ ငုံ့ခံနေလိုက်ရင် ဘာဖြစ် သွားမလဲ။ ဦးကျိုးပြီဆိုပြီး ဆက်နင်းလာမှာသေချာတယ်။ ဒါကြောင့်မို့ လူတရာကျော်အသတ်ခံရတဲ့ ၇ ရက်ဂျူလိုင် အရေး တော်ပုံကြီးပေါ်ပေါက်လာတာဖြစ်တယ်။

ရှစ်လေးလုံးအရေးတော်ပုံကိုလည်း ပြန်ပြီးသုံးသပ်လိုက်ပါ ပြဿနာကိုစတာဟာ စစ် အစိုးရဘက်ကပဲ။ တိုင်းပြည်ကို ဒေ၀ါလီ ခံရအောင်လုပ်တာ၊ ငွေစက္ကူတွေ တရားမ၀င်ကြောင်း ကြေငြာတာ၊ ကိုဖုန်းမော်ကိုသတ်တာ၊ ဒါတွေအားလုံးဟာ ကျောင်းသား တွေနဲ့မဆိုင်တဲ့ ကိစ္စတွေ လား။ ကျောင်းသားတွေရဲ့ နေထိုင်စားသောက်ရေးနဲ့ ပညာသင်ကြားရေးတို့ကို မထိခိုက်တဲ့ကိစ္စတွေ လား။ ဒါကြောင့် ဒီအရေးတော်ပုံကြီးဟာလည်း မဆလစစ်အစိုးရဘက်က သေနတ်စဖောက်လို့ ဖြစ်ပေါ်ခဲ့တဲ့ တိုက်ပွဲကြီးပဲ။

နောက်ပြီး ဒီနေ့ဗမာပြည်အခြေအနေလိုဟာမှာ ဒီမိုကရေစီအရေးကအစ ဖောင်တိန် တချောင်း ၀ယ်ရရေးအထိ၊ ဘာအရေးအတွက်ပဲဖြစ်ဖြစ် ဆန္ဒပြတယ်ဆိုရင် ပြတယ်လူတွေဟာ မှန်တယ်။ ဘာကြောင့်လဲဆိုတော့ စစ်အစိုးရက တိုင်းသူပြည်သားတွေကို အဖက်ဖက်က ချို့တဲ့ အောင် တမင်လုပ်ထားလို့ပဲ။

ဒါကြောင့် ကျောင်းသားလှုပ်ရှားမှုနဲ့ ကျောင်းသားတိုက်ပွဲ ဆိုတာတွေဟာ သမိုင်းမှာရော၊ အခုလက်ရှိမှာရော ဖိနှိပ်သူ အုပ်စိုးသူတွေက မတရားဖန်တီးလို့ ပေါ်ပေါက်ရတာချည့်ပဲဖြစ်တယ်။ ခြွင်းချက်မရှိဘူး။ မတရားမှုတွေ ရှိသရွေ့ နောင်လည်း ပေါ်နေအုန်းမှာပဲ။

ဒါကို နိုင်ငံရေးလုပ်တယ်လို့ ခေါ်ချင်၊ ပြောချင်တယ်ဆိုရင်လည်း ခေါ်နိုင်၊ ပြောနိုင်တယ်။

Posted in: ဆောင်းပါး