9:46 AM
မာန်လှိုင်းငယ်
ဟိုး ...
အဝေး လင်းလက်နေတဲ့
မိုးကုတ်စက်ဝိုင်းနဲ့အပြိုင်
မှိတ်တုတ်မှိတ်တုတ် ကြယ်တွေထဲ
မေမေ ပါများ ပါနေမလား။
ဒါမှမဟုတ်
မေမေ့ မျက်လုံးတွေ
လမင်းနဲ့အပြိုင်
မောင်နှမတွေကို အုပ်မိုးကာ ...
မေမေ ကြည့်များ ကြည့်နေမလား။
ဒါနဲ့ ...
အခန်းပြတင်းပေါက်ဘောင်ဘေး
အဝေးကို မျှော်ကာငေးရင်း
ဖျက်ခနဲ့
ကောင်းကင်ကို ထွင်းဖောက်ထွက်လာတဲ့
မေမေ့ မျက်နှာ အကြင်နာရိပ် ...
အေးမြအပြုံးငွေ့တွေက
သားကို လွှမ်းခြုံနွေးထွေးသွားစေတယ်။
ဒါ ...
ဖြူစင်ရှင်းသန့် နှလုံးသားပိုင်ရှင်
သားတို့မောင်နှမတွေရဲ့ မေမေ ပါပဲ။ ။
မာန်လှိုင်းငယ်
၂၀၁၀ ခုနှစ်၊ ဖေဖော်ဝါရီလ (၆)ရက်။
ည (၈း၀၀)နာရီ။
Posted in: ကဗျာ
0 comments:
Post a Comment