ချိုမြိန်ခြင်းအရသာ

မှောင်မိုက်မလိုနဲ့
လမင်းဟာ ရှုမ၀မင်းသမီး
လမ်းလျှောက်ထွက်လာသလိုမျိုး
အာရုံကို လှည့်စားခံလိုက်ရတယ်။

ငြိမ်သက်နေတဲ့ လေတွေဟာ
ရှင်သန်ထမြောက်လာသလို
`၀ုန်း` ဆို ၀င်တိုက်သွားတော့
အတွေးကို ကျီစားခံလိုက်ရတယ်။

ဒိုးယိုပေါက် ဦးနှောက်ရဲ့ ကလီဇာ
ကလီကမာ ပြုတော့
ဗရမ်းဗတာ အတွေးရိပ်တွေက
မဆုံးနိုင်တဲ့ အဝေးကို သယ်ဆောင်ခံလိုက်ရတယ်။

ဒီလိုနဲ့ ...
အပြုစားခံ
ကျီစားခံ
သယ်ဆောင်ခံလိုက်ရခြင်း အနက်အဓိပ္ပါယ်ဟာ
ငရုပ်ဆုံထဲ ငရုပ်ကျည်ပွေ့ ထောင်းထည့်လိုက်သလို
အဆုံးမှာ ...
ချိုမြိန်ခြင်းအရသာကို ခံစား ... ။ ။

မာန်လှိုင်းငယ်
၂၀၀၉ ခုနှစ်၊ နိုဝင်ဘာလ (၁၀) ရက်။

Read more »

Posted in: ကဗျာ

ပုံရိပ်များနဲ့ သူမရဲ့ နောက်ဆုံးခရီး

အတိတ်က
ပျော်ရွှင်စရာနေ့ရက်တွေ
အတိအပြည့်ရှိခဲ့တဲ့
ကျောင်းကလေးရေ ...။

သူငယ်ချင်းတသိုက်
သိပ်ခင်မင်ရင်းနှီးခဲ့သူတွေကို
ခေါ်ဆောင်စုစည်းပေးတဲ့
ကျောင်းကလေးရေ ...။

ဖြူ စိမ်း တူညီဝတ်စုံ
ကိုယ်စီ ...
တက်ကြွရွှင်လန်း
ကြည်နူးမှုတွေ
အားမာန်တွေ အပြည့်နဲ့ ဖန်တီးပေးခဲ့တဲ့
ကျောင်းကလေးရေ ...။

မနက် ခေါင်းလောင်းသံ
သာသာယာယာ လျှံထွက်
အပြေးအလွှား သူငယ်ချင်းများနဲ့
ကျောင်းကလေးဆီ ... ကိုယ်စီ
ဆွဲဆောင်ပေးနိုင်တဲ့
ကျောင်းကလေးရေ ...။

လွယ်အိတ်ကို စလွယ်သိုင်း
အိမ်ပြန်လမ်းကို ခြေဦးတည်
လက်ပြနှုတ်ဆက် ကျောခိုင်းတော့
(ကျောင်းစာသင်နှစ်ပြီးဆုံးခြင်း)
ကျောင်းကလေးရဲ့ ငိုးငြီးသံ
ငါတို့ ကြားနေရတာ ....
ကျောင်းကလေး အသိပါ။

ခုတော့ ...
ဆုံဆည်းခဲ့တဲ့ သူငယ်ချင်းများ
တယောက်တနယ်စီ ကိုယ်စီ ခွဲခွာ
လွမ်းဆွတ်မှုတွေနဲ့
နှုတ်ဆက်လက်ပြကာ သွားကြတာလည်း
ကျောင်းကလေး အသိပါ။

ကျောင်းကလေးရေ
ပြောပြရဦးမယ် ...
မနေ့ ည (၈) နာရီမှာ
သိပ်ခင်မင်တဲ့
ငါတို့ရဲ့ သူငယ်ချင်းတယောက်
ဆုံးသွားပြီတဲ့ ကြားလိုက်ရတာ မယုံနိုင်စရာပါ။

ကျောင်းကလေးရေ
ငါတို့ ရင်ထဲ ငိုငြီးရပြီ
သူမရဲ့ ခွဲခွာခြင်းဟာ ထာဝရ
သူမရဲ့ နှုတ်ဆက်ခြင်းဟာ ရာသက်ပန်
ငါတို့ကို လက်ပြပြီးတော့
နှုတ်ဆက်ဖော်တောင် မရလိုက်ပါဘူး။

ကျောင်းကလေးရေ ...
မင်းသိလား
သူမရဲ့ အပြုံး
သူမရဲ့ ရယ်(ရီ)သံတွေဟာ
ငါတို့ရဲ့ စာသင်ခန်း
ငါတို့ရဲ့ ၀န်းကျင်
ငါတို့ရဲ့ သူငယ်ချင်းများရဲ့ နှလုံးသားထဲ
စိမ့်ဝင်ကာ ပံ့တင်နေတုန်းပါပဲ
ယနေ့တိုင်
သူမရဲ့ ရယ်(ရီ)သံဟာ
ငါတို့ကို ပျော်ရွှင်ကြည်နူးမှုတွေ ရစေတယ်။

ကျောင်းကလေးရေ ...
မင်းလည်း ငိုငြီးလိုက်ပါတော့
သူမကို နှုတ်ဆက်ဖို့
ငါတို့တွေ တတ်နိုင်တာ ငိုငြီးပြီး
လွမ်းဆွတ်တမ်းတမှုတွေနဲ့ပဲ ရှိနေပါတယ်။

ကျောင်းကလေးရေ ...
ငါတို့ သူမ ကြားရအောင်
ပြောလိုက်ကြပါစို့
`သူငယ်ချင်းရေ
မင်းရဲ့ ဘ၀မှာ ပြီးပြည့်စုံရယ်လို့ မရှိခဲ့ပေမယ့်
နှောင်ဘ၀မှာ ပျော်ရွှင်မှုတွေနဲ့သာ စိတ်ချမ်းသာမှု ရှိနေပါစေ
ရောက်ရာအရပ်မှာ ပျော်ရွှင်ပါစေ
ကောင်းရာသုဂတိ လားပါစေ`
ငါတို့ မင်းကို နှုတ်ဆက်လိုက်ပါတယ်
မင်းကြားရင် သာဓုခေါ် သူငယ်ချင်း
မင်းရဲ့ နောက်ဆုံးခရီးကို ငါတို့ ပို့လိုက်ပါတယ်။

မာန်လှိုင်းငယ်
၂၀၀၉ ခုနှစ်၊ စက်တင်ဘာလ (၄)ရက်။

မှတ်ချက်။ ။ ကျောင်းနေဖက်သူငယ်ချင်းတယောက်၊ ကျနော်တို့ သိပ်ခင်မင်ခဲ့ကြတဲ့ ချစ်သူငယ်ချင်း (အူးနီဂေ)တယောက် ၂၀၀၉ ခုနှစ်၊ စက်တင်ဘာလ (၃) ရက်နေ့တွင် ဆုံးပါးကွယ်လွန်ခြင်းအတွက် အမှတ်တရကဗျာလေးတပုဒ် ရေးဖွဲ့လိုက်ခြင်းပါ။

Read more »

Posted in: ကဗျာ

ညီညွတ်ခြင်းနဲ့ ခိုင်မြဲကြ

နိုးထ တာစူနေတဲ့
လှိုင်းတံပိုး ဒီရေထဲ
တစ ... တစ ... ယိုယွင်းပြိုကျနေတဲ့
အမှောင်ခေတ်ပျက်ကြီးကို
အလင်းခေတ်ဆီ ခရီးနှင်ဖို့
သူမ ကြည့်နေမှ
ငိုတဲ့ လှိုင်းတံပိုး ငြိမ်လိမ့်မယ်။


ရုန်းကြွ စောင့်ဆိုင်းနေတဲ့
မာန်ဟုန်းပြင်း လ၀န်းကို
ထိန်းညှိခေါ်ဆောင်ဖို့
သူမ ရှိနေမှ
ပြုံးရယ်လ၀န်း သာလိမ့်မယ်။

သွေးတွေ ထပ်ပြီးရင်း ထပ်
အရိုးတွေ ဆွေးပြီးရင်း ဆွေး
ဘ၀အလင်း
ပညာ့အလင်း
ဥစ္စာအလင်း ငတ်မွတ်နေသူတွေ များပြီးရင်း များလာ
လမ်းပေါ်မှာ ...
ကင်းပကြည်လင်စေဖို့
သူမ ရှင်သန်နေမှ
တေးဆိုလမ်းများ ပျော်လိမ့်မယ်။

သူမ ကြည့်နေမှ
သူမ ရှိနေမှ
သူမ ရှင်သန်နေမှ
ကန္တာရလက်တံရှည်များ
ပျက်ယွင်း ... ပြိုကျ ... တစစီလွှင့်မျောသွားစေဖို့
“ညီညွတ်ခြင်းနဲ့ ခိုင်မြဲကြ” ရထားကို
တောက်လျှောက်ခုတ်မောင်းသွားတော့မယ် ... ။ ။

မာန်လှိုင်းငယ်
၂၀၀၉ ခုနှစ်၊ ဇူလိုင်လ (၇)ရက်။

Read more »

Posted in: ကဗျာ

ပြတင်းပေါက် အပြင်ဘက်ကို ငေးကြည့် … အမေတွေရဲ့ မျက်နှာကို တွေ့ရလိမ့်မယ

မနက်လေနဲ့အတူ
မိုးကောင်းကင်က ဖြာကျလာတဲ့ အလင်းရောင်အောက်
ကောင်းကင်ကြီးကို မော့ကြည့်မိတော့
အဖြူရောင် တိမ်ကလေးတွေ တရွေ့ရွေ့ ပြေးလွှားသွားနေတာကို
ကျနော် ကြည့်ရင်း … ကြည့်ရင်း …
မေမေ … မေမေ ရေ …
ကျနော် … အော်ဟစ်ပြီး ခေါ်လိုက်ချင်တယ်။

မေမေ့ကို သိပ်ချစ်တယ် …
မေမေ့ကို လွမ်းတယ် …
မေမေ့ကို သတိရတယ် …
မေမေ့ကို အောက်မေ့တယ် …
မေမေ့ကို လွမ်းဆွတ်တမ်းတစွာ ထွေးဖက်ထားချင်တယ် … မေမေ။

ကျနော် မှတ်မိတဲ့ သီချင်းစာသားလေးတစ်ကြောင်းကို ပြောချင်ပါတယ်။ ကမ္ဘာကျော် Mary Chapin Carpenter ရဲ့ သီချင်းထဲက စာသားလေးတစ်ကြောင်း ရှိတယ်။
`Sometimes you’re the wind-shield; sometimes you’re the bug’ လေးပါ။
`လောကမှာ လူတွေရဲ့ဘ၀က တခါတရံမှာ ခံနိုင်ရည်အား ကောင်းမွန်တဲ့ လေကာမှန်တစ်ချပ်ပမာ ကြံ့ကြံ့ခံနိုင်သလို၊ တခါတရံတော့လည်း ပျက်စီးလွယ်တဲ့ ပိုးကောင်လေးတမျှပါပဲ´တဲ့။

ဒီစာသားလေးဟာ အရမ်းကို လှပပါတယ်။ အရမ်းအဓိပ္ပါယ်ရှိတဲ့ စာသားလေးပါ။ ဒီစာသားလေးနဲ့ အမေတွေကို တင်စားကြည့်မယ်ဆိုရင် ကျနော်တို့ ဒီစာသားမှာ အမေတွေရဲ့ ဘ၀တွေကို မြင်ကြည့်လိုက်ပါ။ ဘယ်လိုဆိုတာ သိလာလိမ့်မယ်။ ပြောရမယ်ဆိုရင် ကျနော်တို့ရဲ့ အမေတွေဟာ ထာဝစဉ် ခံနိုင်ရည်အား ကောင်းမွန်တဲ့ အမေတွေပါပဲ။ တခဏသာ ပျက်စီးလွယ်တဲ့သူတွေ မဟုတ်သလို သားသမီးတွေအတွက်ဆိုရင် အမေတွေရဲ့ ငိုညည်းသံတွေကို အပြုံးမျက်နှာနဲ့ တိုက်ဖျက်ဖယ်ရှားပစ်လိုက်နိုင်သူတွေပါ။ သားသမီးတိုင်းအပေါ်မှာ အစဉ်ထာသရ တည်မြဲ၊ တည်ရှိပြီး နားလည်မှုအပြည့်အ၀၊ စာနာမှုတွေ အပြည့်အ၀၊ နွေးထွေးမှုတွေ အပြည့်အ၀၊ မေတ္တာတွေ အပြည့်အ၀ ပေးနိုင်စွမ်းရှိတဲ့ အမေတွေပါပဲ။
ဒါကြောင့် လူ့လောကထဲမှာ ရှင်သန်မွေးဖွားပြီး လူလားမြောက်လာကြတဲ့ လူသားမှန်သမျှ မိဘတွေ ဒါမှမဟုတ် အမေတွေအတွက် သားသမီးတိုင်း ကိုယ့်ရဲ့ ရှိသမျှ ဥာဏ်စွမ်းအား ကိုယ်စွမ်းအားနဲ့ တတ်စွမ်းသမျှ ဆောင်ရွက်ပေးသင့်ပါတယ်။
နောက်ပြီး ကျနော်တို့ အတွေးတွေ၊ အိပ်မက်တွေထဲမှာ ရှင်သန်နေတာလည်း အမေတွေပါပဲ။ လက်တွေ့ဘ၀မှာလည်း မှန်ကန်တဲ့ လမ်းညွှန်မှုတွေ၊ ပညာတွေ၊ ဘ၀အတွေ့အကြုံတွေ ပိုမိုပြီး ရှင်သန်ထွားကြိုင်းလာအောင် လုပ်ပေးနေတာလည်း ကျနော်တို့ရဲ့ အမေ၊ အမေတွေပါပဲ။ ဒီအတွက် အမေကိုချစ်တဲ့၊ အမေကို နားလည်စာနာတဲ့၊ အမေ့ရဲ့ မေတ္တာကို သိမြင်တဲ့ သားသမီးတိုင်း သိမှာပါ။
ကျနော်တို့ဆိုတဲ့ သားသမီးတွေဟာ အမေ့အကြောင်း ပြောဆို၊ ရေးသား၊ သီဆို၊ ကုံးဖွဲ့ကြတယ်။ ပြောမကုန်အောင်ကို ပြောဆိုကြတယ်။ တကယ့်တကယ်တမ်း သေချာကြည့်မယ်ဆိုရင် ကျနော်တို့ဆိုတဲ့ သားသမီးတွေဟာ အမေတွေကို `ခိုင်းနှိုင်းဖွဲ့ဆိုကြတာတော့ လွယ်ပေမယ့်၊ အမေတွေရဲ့ တကယ့်အစစ်အမှန် ရင်ထဲက ခံစားချက်၊ ဘ၀တွေကို နားလည်တတ်သိတဲ့၊ မျှဝေခံစားနိုင်တဲ့ သားသမီးတွေက အတော်ကို နည်းပါးပါတယ်။´ ကိုယ်စီကိုယ်ငှ အမေတွေကို ချစ်ကြတာပဲ၊ အမေတွေကို နားလည်တာပဲလို့ တချို့က ပြောဆိုကောင်း ပြောဆိုမှာပါ။ ပြောလည်း ပြောမှာပါ။ ဒါပေမယ့် ကျနော်ပြောခဲ့သလို ကျနော်တို့ဆိုတဲ့ သားသမီးတိုင်း အပြည့်အ၀ မရှိကြသေးပါဘူး။ ရှိခဲ့ကြရင်တောင် အတော့်ကို နည်းပါးသေးတယ်လို့ ကျနော် မြင်ပါတယ်။
ဒါကြောင့်လည်း သားသမီးတွေရဲ့ ဆိုးသမျှ၊ မိုက်ခဲ့သမျှ၊ ပေခဲ့သမျှ ကိစ္စအ၀၀တိုင်းကို အမေတွေဟာ ဒုနဲ့ဒေး ခံစားနေရတယ်။ ဒါပေမယ့် အမေတွေဆိုတာ သားသမီးတွေကို နှစ်နှစ်ကာကာ ချစ်ကြတာကိုး။ ဒါကြောင့် သားသမီးတွေ ဘယ်လောက်ပဲ ဆိုးဆိုး၊ ဘယ်လောက်ပဲ မိုက်မိုက် ဘယ်လောက်ပဲ ပေပေ၊ ဘယ်လောက်ပဲ ကောင်းကောင်း မျှဝေခံစားပြီး မေတ္တာတွေ အပြည့်အ၀ပေးကြတယ်။ နားလည်မှု အပြည့်အ၀ ပေးကြတယ်။ သားသမီးတွေ အရှေ့မှာဆိုရင် အမေတွေဟာ နှုတ်ခမ်းတွေက အမြဲပြုံးနေတာပဲ။ ပီတိမျက်နှာတွေလည်း ထာဝစဉ် ရှိနေတာပဲ။ `မမောနိုင် မပမ်းနိုင်´ဆိုတာမျိုးပေါ့။ တကယ့်တကယ်တမ်းကျရင် အမေတွေ ရင်ထဲမှာ ကြိတ်ခံစားနေရတာကို ဘယ်သူတွေက သိနိုင်မှာလဲ။ အဖေတွေတော့ သိနိုင်ကောင်းရဲ့ပေါ့။ ဒါလည်း အနည်းအကျဉ်းလောက်တော့ သိနိုင်ပါလိမ့်မယ်။ ကျနော်တို့ဆိုတဲ့ သားသမီးတွေဆို ဝေလာဝေးရောပေါ့။ သိနိုင်ဖို့နေနေသာသာ ကိုယ်ဖြစ်ချင်တာ၊ ကိုယ်လုပ်ချင်တာ၊ ကိုယ်သွားချင်ရာကိုပဲ လုပ်နေကြတာကိုး။ စကားပုံတောင် ရှိသေးတာပဲ။ `ခလုတ်ထိမှ အမိတ´ဆိုတာလေ။ ကျနော်တို့ဆိုတဲ့ သားသမီးတွေလည်း အဲဒီအတိုင်းပါပဲ။ ရာခိုင်နှုန်းအရ တွက်မယ်ဆိုရင် ၁၀၀ မှာ ၉၀ က များနေတာပါပဲ။ မိဘ ဒါမှမဟုတ် အမေတွေကို ခွန်းတုံ့မပြန်တဲ့ သားသမီး၊ ခံမပြောတဲ့ သားသမီး ဘယ်မှာရှိနေလို့လဲ။ အနည်းအများပဲ ကွာခြားပါတယ်။ ဒါက ကျနော်မြင်တာကို ပြောတာပါ။ အားလုံးကို သိမ်းကြုံးပြီး ၀ါးလုံးရှည်နဲ့ သရမ်းလိုက်တာတော့ မဟုတ်ပါဘူး။ အမေတွေကို ချစ်တဲ့ သားတစ်ယောက်အနေနဲ့ မြင်ကြည့်တာပါ။
ကျနော်လည်း အမေ့ကို ခံပြောခဲ့ဖူးပါတယ်။ ကိုယ်မှန်တယ်ထင်ပြီး ပြန်ပြောတာပဲ။ ခံပြောတာပဲ။
အမေက `ဒါ မဟုတ်ဘူး´လို့ ပြောတာကို ကျနော်က `ဟုတ်ပါတယ်၊ ဟုတ်ကို ဟုတ်ပါတယ် အမေရဲ့´
ပြန်ပြီးတော့ အော်ခဲ့တာပဲ။ ကောင်းကောင်းမွန်မွန် ပြန်ပြောတာမှ မဟုတ်ဘဲ။ တကယ်ဆိုရင် အမေပြောတာကို ကျနော်က သေချာနားထောင်ပြီးတော့မှ ကောင်းကောင်းမွန်မွန် ပြန်ပြောသင့်တာပါ။ ကျနော် အဲဒီတုန်းက မစဉ်းစားမိပါဘူး။ ကိုယ်လုပ်ချင်ရာကိုယ်ပဲ လုပ်ခဲ့တာကိုး။ ဘယ်မှာ စဉ်းစားမိမှာလဲ။ ဒါပေမယ့် ကျနော် သိနားလည်၊ စဉ်းစားမိလာတဲ့အချိန်က ဘယ်အချိန်လဲ သိလား။ အမေနဲ့ ခွဲခွာရတော့မှ သိလာ၊ စဉ်းစားတတ်လာတာပါ။ အမေနဲ့ သေကွဲခွဲခဲ့ရတဲ့အချိန်ကနေ ကနေ့အချိန်ထိပါပဲ။ အမေကတော့ ကောင်းရာမွန်ရာကို ရောက်နေလောက်ပါပြီ။ ဒါပေမယ့် ကျနော်ကတော့ အခုမှ စဉ်းစားမိနေတုန်းပါပဲ။ အမေ့ကို သတိရလေ၊ အမေ့အကြောင်းကို တွေးနေတဲ့အချိန်တိုင်း အမေ့ကို လွမ်းဆွတ်တမ်းတမိတယ်။ အမေပြောခဲ့တဲ့ စကားတွေကို ပြန်လည်ကြားယောင်နေမိတယ်။ အခု ကျနော် စာရေးနေတဲ့အချိန်ဆို ပိုတောင်ဆိုးပါသေးတယ်။ ရှေးလူကြီးသူကြီးတွေ ပြောခဲ့တာပဲ…
`နောင်တဆိုတာ နောင်မှရတာ မကောင်းဘူး´ တဲ့၊ နောင်တရခြင်းဟာ ကိုယ့်အတွက် တကယ်ဆို မကောင်းပါဘူး။
ဒါကြောင့် ကျနော် အမေတွေကို ချစ်တဲ့ သားသမီးတွေ၊ အမေတွေနဲ့ အတူတူ ရှိနေကြတဲ့၊ ရှိနေတုန်း သားသမီးတွေကို အနူးအညွှတ် ပြောချင်တာတစ်ခုက အမေတွေကို ဘယ်တော့မှ နှုတ်လှန်မထိုးပါနဲ့၊ ခံမပြောကြပါနဲ့၊ အမေတွေကို ကောင်းကောင်းမွန်မွန် ပြောဆိုကြပါလို့ ပြောချင်ပါတယ်။ အထက်မှာ ပြောခဲ့သလိုပဲ နောင်တဟာ နောင်မှရတာ မကောင်းပါဘူး။ ကျနော့်လို အမေနဲ့ ဝေးကွာနေမှ သတိရတမ်းတနေရတာမျိုးလည်း မဖြစ်စေချင်တာ အမှန်ပါပဲ။ ဒါတောင် ကျနော်ဟာ အမေနဲ့ ခွဲခွာခဲ့တာ နှစ်တိုလေးပဲ ရှိပါသေးတယ်။ ( ငါး )နှစ်လေးပါ။ တချို့သော သားသမီးတွေဆို နှစ်သက်တမ်းတွေ များနေကြသူတွေ ရှိပါတယ်။ ဒါပေမယ့် အမေနဲ့ အတူတူ မရှိခဲ့တော့တာ အမှန်ပါပဲ။ အမေနဲ့ အတူနေချင်ပါတယ်ဆိုပြီး အော်ဟစ်တမ်းတနေလို့လည်း ကျနော်တို့အတွက် ဘယ်မှာရနိုင်ပါတော့မလဲ။ တစ်ခုတော့ ဖြေသာတာပေါ့။ ကိုယ့်အနားမှာ အဖေရှိနေသေးတာပဲ။ အမေကတော့ ကျနော့်ရဲ့ နှလုံးသား၊ နှလုံးအိမ်ထဲမှာ၊ ရင်ထဲမှာ၊ ဦးနှောက်ထဲ၊ အသည်းထဲမှာ တည်ရှိနေ၊ ရှင်သန်နေသူပါပဲ။ ကျနော် အမေ့ကို သတိရ လွမ်းဆွတ်ရင်း အမေ ဆုံးပါးကွယ်လွန်သွားတဲ့ (ငါး)နှစ်ပြည့်မှာ ကျနော် အမေ့အတွက် ကဗျာတစ်ပုဒ် ရေးပေးခဲ့ပါသေးတယ်။ အဲဒီကဗျာကတော့ …
`မေမေ့ကို သားတို့ ပြောချင်ပါတယ်´
မေမေ
ဖေဖော်ဝါရီ(၁၄)ဆိုတဲ့ ဒီလ၊ ဒီရက်မှာ
မေမေဟာ သားတို့မောင်နှမတွေကို ခွဲခွာခဲ့တာ (၅)နှစ် ပြည့်ခဲ့ပြီ
မေမေစာ ဖေဖေ့ကို ခွဲခွာခဲ့တာလည်း (၅)နှစ် ပြည့်ခဲ့ပြီပဲ
မေမေ့ကို သားတို့ ပြောချင်ပါတယ်။

မေမေ
မေမေဟာ သားတို့အပေါ် ကျေးဇူးကြီးမား မြင့်မြတ်ခဲ့သူ
မေမေဟာ သားတို့နှလုံးအိမ်ထဲ ထာဝစဉ် ရှင်သန်နေသူဆိုတာ
မေမေ့ကို သားတို့ ပြောချင်ပါတယ်။

မေမေ
မေမေဟာ သားတို့ မျက်စိအောက်က ပျောက်ကွယ်သွားပေမယ့်
မေမေဟာ သားတို့ရဲ့ ရင်ထဲ၊ အသည်းထဲမှာ ထာဝရရှိနေသူဆိုတာ
ဒါကို …
မေမေ့ကို သားတို့ ထပ်လောင်းပြောချင်ပါတယ် … မေမေ။
ဒီကဗျာလေးနဲ့ ကျနော် အမေ့ကို ပြောချင်တာပါ။ အမေကြားအောင်လည်း ပြောချင်ပါတယ်။ ကျနော့်အမေ တစ်ယောက်တည်းအတွက်လည်း ဟုတ်သလို ကမ္ဘာပေါ်မှာရှိတဲ့ အမေတိုင်းကိုလည်း ပြောချင်တာပါ။ ကမ္ဘာပေါ်က အမေတိုင်းကို ကျနော့်အမေနဲ့ ထပ်တူ ဦးထိပ်ထားပြီး ဒီကဗျာလေးနဲ့အတူ ကန်တော့ပါတယ် … မေမေတို့ရေ … ။
အမေနဲ့ ပတ်သက်ပြီး ဆက်ပြောချင်တာတစ်ခု ရှိသေးတယ်။ အဲဒါကတော့ သူငယ်ချင်းတစ်ယောက်နဲ့ သူ့အမေရဲ့အကြောင်း နည်းနည်းလေး ပြောချင်ပါတယ်။ အမေချစ်တဲ့ သားသမီးတိုင်းကိုလည်း မျှဝေပေးချင်တဲ့ ဆန္ဒလေးတစ်ခုပါ။
ကျနော် မှတ်မှတ်ရရပါပဲ။ ကျနော်တို့ ကျောင်းဆင်းချိန်လည်း ဟုတ်၊ ညနေ နေ၀င်မယ့်အချိန်လည်း ဖြစ်တဲ့ ဆည်းဆာရောင် ကောင်းကင်အောက်လေးမှာပါ။ သူငယ်ချင်းနဲ့အတူ ကဗျာ၊ စာတွေရေးဖို့ ချိန်းထားတော့ ကျနော် သူ့ကို ၀င်ခေါ်ဖို့ သူ့အိမ်ထဲဝင်တဲ့ ရှေ့ခွေးခြေမှာ ခြေလှမ်းရုံရှိသေးတယ်။ သူငယ်ချင်းက သူ့အမေကို အော်နေတာ ကြားလိုက်ရတယ်။
သူက အမေလို့တောင် မခေါ်တော့ဘူး။
`ခင်ဗျား ကျနော် ငါးပိတို့စရာ မစားဘူးဆိုတာ သိရက်နဲ့ ဘာဖြစ်လို့ ချက်ထားတာလဲ၊ ဟိုမှာလဲ ကြက်ဥကျော်၊ ဒါလည်း ကျုပ်မစားဘူးဆိုတာ ခင်ဗျားကြီး မသိဘူးလား၊ ဒါနဲ့များ ကျုပ်ကို မွေးထားသေးတယ်၊ ကိုယ့်ကလေး ကြိုက်မကြိုက်ဆိုတာ ခင်ဗျား မစဉ်းစားတတ်ဘူးလား´ တဲ့။
တော်တော်အ၀င်ဆိုးတဲ့ စကားလုံးတွေပါပဲ။ ဘေးနားမှာ အိမ်တွေကလည်း ရှိသေးတယ်။ ကျနော် အဲဒီအချိန်တုန်းက တခဏတော့ လန့်သွားတယ်။ ကြက်သီးမွေးညှင်းတောင် ထခဲ့ရတယ်။ ဒါပေမယ့် ကျနော့်အသိက ဒီကောင့်ကို ခေါ်ဖို့လေ။ ဒါကြောင့် သူ့ကို ၀င်ခေါ်လိုက်တယ်။ ကျနော် သူ့လက်ကို ဆွဲခေါ်ပြီး အပြင်ထွက်ခါနီးမှာ သူ့အမေ ငိုလိုက်တဲ့ အသံတိုးတိုးလေး ကြားလိုက်ရတယ်။ ကျနော်လည်း စိတ်မကောင်းပါဘူး။ အဲဒီတုန်းကတော့ ကျနော်တို့ဟာ အမေတွေကို အလေးထားရကောင်းမှန်း သိပ်မသိကြသေးဘူး။ ကိုယ်လုပ်ချင်ရာကိုပဲ ဇွတ်လုပ်ယူကြတဲ့ ကောင်တွေပဲကိုး။ အမေတွေ ဘာဖြစ်ဖြစ် အသိတရားကို မရကြဘူး။
အဲဒီလိုဖြစ်ပြီး မနက်မှာ ကျနော် သူ့အိမ်ဘက်ကို ရောက်ဖြစ်ပါသေးတယ်။ ကျနော့်မသိစိတ်က အမေတွေကို ချစ်နေပါတယ်။ ဒါကြောင့်လားတော့ မသိဘူး။ အဲဒီအိမ်ဘက်ကို ကျနော် ပြန်ရောက်ဖြစ်သွားတာပါ။ သူ့အမေ ဘယ်လိုများ ဖြစ်နေမလဲ၊ မျက်နှာမကောင်းဖြစ်နေလား စသည်ဖြင့် သို့လော၊ သို့လော အမေးတွေက ပေါ်လာတယ်။ သိချင်တဲ့စိတ်က ၀င်လာတော့ သွားကြည့်မိပါတယ်။ အံ့သြခဲ့ပါတယ်။ သူ့အမေဟာ ပြုံးပြုံးရွှင်ရွှင်နဲ့ အိမ်အလုပ်တွေကို လုပ်နေတယ်၊ ၀င်းဝင်းပပ မျက်နှာလေးနဲ့ပါ။
အခု ဒီအကြောင်း ရေးနေတဲ့အချိန်မှာ ပိုပြီး ကြက်သီးထလာတယ်။ ပိုပြီး ၀မ်းနည်းလာတယ်။ အမှန်အတိုင်းပြောရရင် ဒီကောင့်ကိုလည်း ကျနော် ခုနေချိန် အနားမှာ ရှိနေရင်တော့ လက်သီးနဲ့ အားကုန်ထိုးမိမှာပဲ။ ဒီကောင်ဟာ ကျနော့်သူငယ်ချင်း မှန်ပေမယ့် တော်တော်ကို ရိုင်းစိုင်းတဲ့ကောင်ပါပဲ။ ကျနော် ယူကြုံးမရ ဖြစ်ရပါတယ်။ ကျနော့်အမေကို ကျနော် အဲဒီလောက်ထိ မရိုင်းခဲ့ပေမယ့် သူငယ်ချင်းက ရိုင်းခဲ့တာကို ပြန်အမှတ်ရမိတော့ အမေအတွက် အတော့်ကို ၀မ်းနည်းရပါတယ်။ အဲဒီအချိန်တုန်းက သူ့အမေ ဘယ်လောက်ထိအောင် ကြိတ်ခံစားနေရမယ်ဆိုတာ အခုလိုအချိန်မှာ ပြန်တွေးကြည့်ရင် ကျနော့်စိတ်တွေ ခြောက်ခြားခဲ့ရပါတယ်။ တကယ်လို့များ ငါသာ သူ့နေရာမှာဆိုရင် ဒီလိုအချိန်မှာ အမေရှိနေရင် ငါ ဘယ်လိုများ အမေ့ကို မျက်နှာပြရမလဲလို့ပေါ့။ အဲဒီလို ကျနော် တွေးမိတော့ ကြောက်ခဲ့တာ အမှန်ပါ။ အဲဒီအကြောင်းတွေ ထိုင်ရေးနေရင်း အမေ့ကို ကျနော် ပိုပိုချစ်လာတဲ့သား ဖြစ်ချင်လာပါတယ်။ ဒါပေမယ့် လွန်ခဲ့ပါပြီ။
ဒါကြောင့် အမေကို ချစ်ကြတဲ့ သားသမီးတိုင်း၊ အမေနဲ့အတူ ရှိနေကြတဲ့ သားသမီးတိုင်း ကိုယ့်ရဲ့အမေတွေကို ကျနော့်သူငယ်ချင်းလိုမျိုး မလုပ်ကြပါနဲ့။ နောင်တချိန်မှာ ကိုယ်ဟာ ဘာဖြစ်သွားမလဲဆိုတာ မသိပါဘူး။ ကိုယ့်ရဲ့အမေတွေကတော့ သားသမီးတွေ ဆိုးမိုက်ပေတေပေမယ့်၊ ရိုင်းခဲ့ပေမယ့် အပြုံးမျက်နှာလေးနဲ့ ခွင့်လွှတ်ပြီး မေတ္တာတွေ၊ နွေးထွေးမှုတွေ၊ အကြင်နာတရားတွေ၊ ယုယမှုတွေ အထပ်ထပ် ပေးနေဦးမှာ ဖြစ်ပါတယ်။
ဒီအတွက် ကျနော်လည်းပဲ တခြားသော အမေတွေကို ကိုယ့်ရဲ့အမေနဲ့ထပ်တူ ဦးထိပ်ထားပြီး တတ်အားသရွေ့ ကူညီသွားမှာပါ။ ကြိုးစားသွားမှာပါ။ ဒါကြောင့် ကျနော့်မေမေကို ကျနော် ဒီနေရာက ဦးထိပ်ထား ဦးချကန်တော့ရင်း မေမေ့ကို ပြောချင်ပါသေးတယ်။
မေမေ ...
မေမေ ရှိခဲ့စဉ် အချိန်တုန်းက သားဟာ အပူအပင်ကင်းစွာ၊ မကြောင့်မကြ နေထိုင်ခဲ့၊ စားသောက်ခဲ့ရသူပါ။
မေမေ ...
မေမေ ရှိခဲ့စဉ်အခါကလည်း ကျနော်တို့ ညီအစ်ကို မောင်နှမ သားသမီးတွေအပေါ်မှာ မေမေဟာ ခွင့်လွှတ်သည်းညည်းခံနိုင်စွမ်း၊ နားလည်စာနာစွာ၊ ကြင်နာယုယစွာ မေတ္တာတွေ ဖြန့်ကျက်ပေးခဲ့တဲ့ မေမေပါ။
မေမေ ...
နောက်တစ်ခုရှိသေးတယ် မေမေရဲ့...
ကမ္ဘာပေါ်မှာရှိတဲ့ မိခင်တိုင်း၊ မေမေတိုင်းဟာ သားသမီးတွေရဲ့ တုနှိုင်းမဲ့ မေတ္တာရှင် သူရဲကောင်းတွေပါ။ မေမေလည်း သူရဲကောင်းတွေထဲက သူရဲကောင်းတစ်ဦးပါပဲ ... မေမေ။
ပြတင်းပေါက် အပြင်ဘက်ကို ငေးကြည့်တဲ့အခါ အမေတွေရဲ့ မျက်နှာကို မြင်ရလိမ့်မယ် ... ။

မာန်လှိုင်းငယ်
၂၀၀၉ ခုနှစ်၊ မေလ (၁၆)ရက်။

Read more »

Posted in: ဆောင်းပါး

စိတ်မပျက်နဲ့ အားတင်းပါ

လူထုစိန်ဝင်း
မတွေ့တာ ဆယ့်လေးငါးနှစ်လောက် ကြာပြီဖြစ်တဲ့ မိတ်ဟောင်း၊ ဆွေဟောင်း တစ်ယောက် လာလည်ပါတယ်။ သူက ရာထူးကြီးတစ်ခုကနေ ပင်စင်ယူပြီးတဲ့ နောက် အနားမယူဘဲ ကုမ္ပဏီတစ်ခုတည် ထောင်ပြီး စီးပွားရေးလုပ်နေတာကြောင့် မတွေ့ဖြစ်ကြတော့တာပါ။ အခုမှ အသက် ကလည်း ၇ဝ ကောင်းကောင်းကြီး ကျော် နေပြီဖြစ်တာကြောင့် သားသမီးတွေလက် ထဲ အားလုံးလွှဲပြီး လုံးလုံးကြီး အနားယူ လိုက်တာလို့ပြောပါတယ်။

အအိုမြန်လိုက်တာ
‘ကျုပ်တို့ သက်တမ်းကလူတွေ တယ် မတွေ့ရတော့ဘူးဗျ၊ ဆုံးသွားတဲ့လူနဲ့၊ ဘုန်း ကြီးဝတ်သွားတဲ့လူနဲ့၊ ရိပ်သာမှာပဲ အမြဲနေ တဲ့လူနဲ့ အားလုံးဆုံကြဖို့တော့ မလွယ် တော့ဘူး’
သူက မန္တလေးကိုလည်း ရောက် သေးတဲ့အကြောင်း၊ မိတ်ဆွေဟောင်းတချို့ ကို သွားတွေ့ခဲ့တဲ့အကြောင်း ဆက်ပြော ပြပါတယ်။ အတော်များများက စိတ်ရော လူပါကျပြီး လူအိုကြီးတွေ ဖြစ်ကုန်ကြပြီ လို့လည်း ပြောပါတယ်။
‘ကျုပ်တို့ဗမာတွေဟာ ပင်စင်ယူပြီး တာနဲ့ သေဖို့ပဲ စဉ်းစားနေကြလို့နဲ့တူပါရဲ့ ဗျာ။ အအိုမြန်လိုက်ကြတာ’
သူက ညည်းသလိုလို စကားဆိုပါ တယ်။ သူကတော့ အရွယ်တော်တော် တင်ပါတယ်။ ဖျတ်ဖျတ်လတ်လတ်၊ သွက် သွက်လက်လက် ရှိဆဲပါပဲ။ မကြောင့်မကြ မတောင့်မတ နေနိုင်တာကြောင့်လားမဆို နိုင်ဘူး။ ၇၆နှစ်လို့ကို မထင်ရပါဘူး။ ၆ဝ လောက်လို့သာ ထင်ရပါတယ်။ အခုချိန်ထိ ပြည်တွင်းပြည်ပခရီးတွေ သွားနေဆဲပါပဲ။ သမီးရှိတဲ့အင်္ဂလန်က ပြန်ရောက်လာတာ တစ်လကျော်ကျော်သာ ရှိသေးတယ်လို့ လည်း သိရပါတယ်။
သူများတွေနဲ့ ကွာလိုက်တာ
သူပြန်သွားတဲ့အထိ ‘အအိုမြန်လိုက် ကြတာ’ ဆိုတဲ့ သူ့စကားကို ဆက်စဉ်းစား နေမိတယ်။ သူများနိုင်ငံက ၇ဝကျော် ပင် စင်စားကြီးတွေ စုဝေးပြီး ကမ္ဘာ့လှည့် လည် ပတ်ကြတာတွေ မြင်ရ၊ တွေ့ရတော့ တို့ ဆီကနဲ့များ ကွာလိုက်တာ’ လို့ မကြာမကြာ တွေးမိခဲ့ရတယ်။ ဒီမှာကတော့ မိတ်ဆွေ ပြောသလို ပင်စင်ယူပြီးတာနဲ့သေဖို့ပဲ စဉ်း စားနေကြတယ်နဲ့တူပါရဲ့။ မိတ်ဆွေဖြစ်သူ လို ပင်စင်ယူပြီး ကုမ္ပဏီမထောင်နိုင်ကြ တာလည်း အဓိကအကြောင်းတစ်ရပ်ဖြစ် မယ်ထင်ပါတယ်။ ဘာကြောင့်ပဲဖြစ်ဖြစ် ပင်စင်ယူပြီးပြီဆိုတာနဲ့ လူရောစိတ်ပါ ကျ သွားကြတာတော့ အမှန်ပဲ။ ရပ်ရေး၊ ရွာ ရေး၊ လူမှုရေးကိစ္စတွေကို တက်တက်ကြွ ကြွ ပါဝင်လုပ်ဆောင်တတ်သူတချို့ကလွဲ ရင် အများစုက အအိုမြန်ကြ၊ အသေမြန် ကြတာကို သတိပြုမိတယ်။
‘ဒုက္ခသုက္ခတွေ များလွန်းလုိ့ အသက် မရှည်ချင်ပါဘူး၊ မြန်မြန်သွားလေ ကောင်း လေပါပဲ’ လို့လည်း ပြောတတ်ကြပါတယ်။ လောကမှာ ဒုက္ခနဲ့ကင်းသူ ဘယ်သူရှိလို့ လဲ။ တကယ်က ဒုက္ခက လူကိုသေစေတာ မဟုတ်ပါဘူး။ ဒုက္ခကိုကြောက်ပြီး စိတ်ကျ လို့ အသေမြန်ရတာဖြစ်တယ်။
လူငယ်တွေလည်း စိတ်ကျတာပဲ
လူကြီးတွေသာ စိတ်ကျတတ်တာ မထင်နဲ့။ လူငယ်တွေလည်း စိတ်ကျတတ် ကြတာပဲ။ ကျောင်းဆရာတစ်ယောက် အနေနဲ့ လူငယ်လူရွယ်လေးတွေနဲ့အထိ အတွေ့များလေတော့ ဒီခေတ်လူငယ်လေး တွေ တော်တော်များများဟာ အရွယ်နဲ့ မလိုက်အောင်ကို လောကကြီးကို အဆိုး မြင်ပြီး စိတ်ကျနေတတ်ကြတာကို သတိ ပြုမိပါတယ်။ သူတို့တစ်တွေမှာ လူငယ့် အားမာန်၊ လူငယ့်ဇွဲသတ္တိ အတော်လျော့ နည်းကြတယ်။ ဘာမဆို မလုပ်ခင်က အရှုံးပေးစိတ် များနေကြတယ်။ ‘အား မတန် မာန်လျှော့’ ဆိုတဲ့စကား၊ ‘ခါချဉ် ကောင် မာန်ကြီးလို့ တောင်ကြီးဖြိုမယ်ကြံ၊ ခါးကမသန်’ ဆိုစကားမျိုးတွေ လွယ်လွယ် သုံးပြီး အရှုံးပေး၊ အညံ့ခံလိုက်တတ်ကြ တယ်။ အနိုင်မခံ အရှုံးမပေးစိတ်ဓာတ်မျိုး တစ်နေ့တခြား ခေါင်းပါးလာနေတယ်လို့ ထင်မိတယ်။ ထောက်ပြပြောဆိုလိုက်ရင် လည်း သူတို့မှာ အကြောင်းပြချက်တွေက တစ်ပုံတစ်ပင်ကြီး။ သူတို့က သူတို့နေထိုင် ရတဲ့ခေတ်ကြီးတစ်ခုလုံးကို ကျေနပ်ကြတာ မဟုတ်ဘူး။ တချို့လူငယ်များဆိုရင် အဆိုး မြင်စိတ်တွေ လွန်ကဲပြီး ဘယ်လောက်ပဲ ကောင်းတာလုပ်လုပ် ဘာမှအရာရောက် မှာမဟုတ်ဘူး။ ဘာမှမလုပ်ဘဲနေလိုက်တာ ပဲ အေးတယ်ဆိုတဲ့အတွေးအခေါ်မျိုးတွေ တောင် ရှိနေကြတာတွေ့ရတယ်။
သူတို့က အီရတ်နိုင်ငံတစ်ခုလုံး သွေး ချောင်းစီးဖြစ်နေတာကို မနှစ်မြို့သလို ပါလက်စတိုင်းလူမျိုးတွေ ရာစုနှစ်တစ်ဝက် တိုင်တိုင် ဒုက္ခသည်စခန်းတွေမှာ နေထိုင် ခြင်းပြုနေကြရတာကိုလည်း စိတ်မကောင်း ကြပါဘူး။ နျူကလီးယားလက်နက်များရဲ့ အန္တရာယ် တစ်နေ့တခြား ကြီးမားသထက် ကြီးမားလာနေတာကို စိုးရိမ်နေကြသလို ဖန်လုံအိမ်အာနိသင်လွန်ကဲမှုကြောင့် ကမ္ဘာကြီးတစ်ခုလုံး ပေါင်းအိုးကြီးထဲ ရောက်နေသလို ခံစားနေရတာကိုလည်း မလိုလားကြပါဘူး။
အနိဋ္ဌာရုံကမ္ဘာကြီး
လူငယ်တွေရဲ့စိုးရိမ်ကြောင့်ကြမှု တွေနဲ့သူတို့ရဲ့မကျေနပ်ချက်တွေဟာ သဘာဝကျပါတယ်။ မှန်လည်းမှန်ပါတယ်။ ဒီနေ့ ကမ္ဘာကြီးက အနိဋ္ဌာရုံတွေနဲ့ပြည့် နှက်နေတဲ့ကမ္ဘာကြီးဖြစ်နေတာကိုး။ ကမ္ဘာ ကြီးရဲ့ဘယ်ထောင့်ဘယ်နေရာကို ကြည့် လိုက်ကြည့်လိုက် တိုက်ခိုက်သတ်ဖြတ်တာ တွေ၊ ကြီးနိုင် ငယ်ညှဉ်းလုပ်တာတွေ၊ ဘယ် သူသေသေ ငတေမာ ပြီးရော လုပ်တာ တွေချည်း မြင်တွေ့နေရပါတယ်။ အနိဋ္ဌာ ရုံတွေကင်းစင်တဲ့နိုင်ငံရယ်လို့ လက်ညှိုးထိုး ပြစရာတစ်ခုတောင်မရှိတဲ့ အခြေအနေမျိုး ဖြစ်နေပါတယ်။
ရေအောက်ရောက်သွားနိုင်တယ်
နိုင်ငံရေး၊ စစ်ရေး၊ မျက်နှာစာကို ထားတော့။ စီးပွားရေးမျက်နှာစာကိုကြည့် တော့လည်း မြင်တွေ့နေရတာတွေက စိတ် မချမ်းသာစရာတွေချည်းပါပဲ။ ဖန်လုံအိမ် အာနိသင်ကြောင့် ဝင်ရိုးစွန်းက ရေခဲ တောင်ကြီးတွေ အရည်ပျော်ကျမှုနှုန်း ကြောက်စရာကောင်းလောက်အောင် မြင့် မားနေတယ်။ ဒီအတိုင်းဆက်သွားရင် ပင်လယ်ရေမျက်နှာပြင် မြင့်သထက်မြင့် တက်လာပြီး တချို့နိုင်ငံတွေ ရေအောက် ရောက်သွားနိုင်တယ်လို့ ပညာရှင်များက အကြိမ်ကြိမ် သတိပေးနေကြတာများ ကြားသိနေရတယ်။ စက်ရုံ၊ အလုပ်ရုံတွေ က မီးခိုးထုတ်လွှတ်မှုတွေ ကန့်သတ်တား ဆီးဖို့ လိုပြီလို့လည်း ထောက်ပြကြတယ်။
မိုက်တွင်းနက်နေကြ
ဘယ်လိုပဲ ထောက်ပြထောက်ပြ၊ ဘယ်လိုပဲ သတိပေး သတိပေး၊ မီးခိုးတွေ အများဆုံးထုတ်လွှတ်နေတဲ့စက်မှုနိုင်ငံကြီး တွေက လတ်တလော အကျိုးစီးပွားလေး တစ်ခုတည်းကိုသာ မိုက်မဲစွာကြည့်ရှုပြီး နိုင်ငံတကာသဘောတူစာချုပ်နဲ့ထိန်းချုပ် တာကို လက်မခံ ငြင်းဆန်နေကြတယ်။ ဒီလုပ်ရပ်ဟာ အင်မတန် အသိဉာဏ်ကင်း မဲ့ရာကျတယ်။ ဖန်လုံအိမ်အာနိသင် ကြောင့် အိုဇုန်းလွှာ ပါးလျားလာတဲ့ဒဏ်၊ အက်ဆစ်မိုးတွေ ရွာချတဲ့ဒဏ်၊ ပင်လယ် ရေမျက်နှာပြင် မြင့်တက်လာတဲ့ဒဏ်၊ မုန် တိုင်းကြီးတွေ ကျရောက်လာတဲ့ဒဏ်၊ အပူ လှိုင်း၊ အအေးလှိုင်းကြီးတွေ ကျရောက် လာတဲ့ဒဏ်စတဲ့ အန္တရာယ်တွေကို ရင်ဆိုင် ရပြီဆိုလျှင် ဘယ်နိုင်ငံမှ လွတ်ကင်းနိုင် မယ် မဟုတ်ဘူးဆိုတာ သိပါလျက်နဲ့ မိုက် တွင်းနက်နေကြခြင်းသာဖြစ်တယ်။
ဖုန်းဆိုးတောတွေဖြစ်
ဒါတင်မက လတ်တလောအကျိုးစီး ပွားလေးတစ်ခုတည်းကိုကြည့်ပြီး မြေပေါ် မြေအောက် သယံဇာတတွေကို အဆီး အတားမရှိ ထုတ်ယူသုံးစွဲနေမှုကြောင့် ကမ္ဘာ့နိုင်ငံအားလုံးလိုလိုမှာ တောတွေ ပြုန်း၊ တောင်တွေပြိုပြီး တဖြည်းဖြည်းချင်း ကန္တာရ ဖုန်းဆိုးတောတွေ ဖြစ်လာနေတာ များလည်း မြင်တွေ့ကြားသိနေရတယ်။ လူတွေ သောင်းသိန်းချီ သေကြရတဲ့ငလျင် လှုပ်မှုကြီးတွေနဲ့ဆူနာမီလို၊ နာဂစ်လို အန္တရာယ်ကြီးတွေ ဘာ့ကြောင့်ပေါ်ပေါက် လာကြရတာလဲဆိုတာများကို သေသေ ချာချာ၊ လေးလေးနက်နက် သုတေသနပြု ဖို့လည်း ပျက်ကွက်နေကြဆဲဖြစ်တယ်။
ပြဿနာက အန္တရာယ်မဟုတ်
ဒီအချက်တွေကြောင့် လူငယ်တွေက မျက်မှောက်ခေတ်ကြီးကို စိတ်ပျက်လက် ပျက် ဖြစ်နေတာ သဘာဝကျပါတယ်။ ဒါပေမဲ့လို့ ဒါတွေဟာ တားဆီးကာကွယ် လုိ့မရနိုင်တာတွေမဟုတ်ဘူးလို့ လူငယ် တွေ သိစေချင်ပါတယ်။ ပြဿနာတစ်ရပ် ဖြစ်လာ၊ ရှိလာတာဟာ ကြောက်စရာ မဟုတ်ပါဘူး။ ပြဿနာရှိနေတာကို ရှိနေ တယ်လို့ မသိခြင်းကသာ ကြောက်စရာ ကောင်းတာဖြစ်တယ်။ ပြဿနာရှိနေမှန်း သိရင် ပြဿနာကို ဖြေရှင်းဖို့နည်းလမ်းရှာ ရမှာပဲဖြစ်တယ်။ ရှာရင် တစ်ချိန်မဟုတ် တစ်ချိန်တော့ တွေ့လာရမှာဖြစ်တယ်။
အနိုင်ရမှာ သေချာတယ်
ဒီနေ့ ကမ္ဘာတစ်လွှားမှာ ပြဿနာမျိုး စုံ၊ အနိဋ္ဌာရုံပေါင်းစုံ ဖြစ်ပွားပေါ်ပေါက်နေ တာကို လူတိုင်းတွေ့မြင်နေကြရတယ်။ ပြဿနာတွေဖြစ်လာရတဲ့ ဇာစ်မြစ် အကြောင်းရင်းကိုလည်း လူတိုင်းသိကြ တယ်။ ဥပမာ-ဖန်လုံအိမ်အာနိသင်ရဲ့ဆိုး ပြစ်တွေကို လူတိုင်းသိသလို ဖန်လုံအိမ် အာနိသင်ဖြစ်ပေါ်လာရခြင်းရဲ့အကြောင်း ရင်းကိုလည်း လူတိုင်းသိမြင်သဘော ပေါက်နေကြတာဖြစ်တယ်။ ဒီတော့ ဘာ ကြောင့် မဖြေရှင်းနိုင်ရမှာလဲ။ ကမ္ဘာပေါ် က စစ်ပွဲကြီးတွေကို ဖန်တီးသူတွေနဲ့ကမ္ဘာ ကြီးရဲ့သာယာလှပမှုကို ဖျက်ဆီးနေသူတွေ က လက်တစ်ဆုပ်စာလောက်သာရှိတဲ့လူ တွေဖြစ်ကြတယ်။ ရှိလှမှ ကမ္ဘာ့လူဦးရေရဲ့ ၁ဝရာခိုင်နှုန်းပေါ့။ ကျန် ၉ဝရာခိုင်နှုန်းက ညီညာဖြဖြနဲ့ ဝိုင်းဝန်းလုပ်ဆောင်ကြရင် ဒီ ၁ဝရာခိုင်နှုန်းရဲ့အန္တရာယ်ကို ဘာ့ကြောင့် မကာကွယ်နိုင်ရမှာလဲ၊ ဒါကြောင့် လူငယ် တွေကိုပြောချင်တယ်။ စိတ်မပျက်ပါနဲ့။ ကမ္ဘာ့လူဦးရေရဲ့ ၉ဝရာခိုင်နှုန်းနဲ့ ခိုင်ခိုင်မြဲ မြဲ လက်တွဲဆောင်ရွက်ပါ။ နောက်ဆုံးမှာ ကောင်းမြတ်ခြင်းတရားက အနိုင်ရမှာ သေချာပါတယ်။

Read more »

Posted in: ဆောင်းပါး

မေမေ့ကို သားတို့ ပြောချင်ပါတယ်

မေမေ
ဖေဖော်ဝါရီ ( ၁၄ ) ဆိုတဲ့ ဒီလ၊ ဒီရက်မှာ
မေမေဟာ သားတို့ မောင်နှမတွေကို ခွဲခွာခဲ့တာ ( ၅ )နှစ် ပြည့်ခဲ့ပြီ
မေမေဟာ ဖေဖေ့ကို ခွဲခွာခဲ့တာလည်း ( ၅ )နှစ် ပြည့်ခဲ့ပြီပဲ
မေမေ့ကို သားတို့ ပြောချင်ပါတယ်။

မေမေ
မေမေဟာ သားတို့အပေါ် ကျေးဇူးကြီးမားမြင့်မြတ်ခဲ့သူ
မေမေဟာ သားတို့နှလုံးအိမ်ထဲ ထာဝစဉ် ရှင်သန်နေသူဆိုတာ
မေမေ့ကို သားတို့ ပြောချင်ပါတယ်။

မေမေ
မေမေဟာ သားတို့မျက်စိအောက်က ပျောက်ကွယ်သွားပေမယ့်
မေမေဟာ သားတို့ရဲ့ ရင်ထဲ၊ အသည်းထဲမှာ ထာဝရရှိနေသူဆိုတာ
ဒါကို …
မေမေ့ကို သားတို့ ထပ်လောင်းပြောချင်ပါတယ် … မေမေ။

မာန်လှိုင်းငယ်

Read more »

Posted in: ကဗျာ

My mother's invitation

ကျနော့် မေမေ နှစ်ပတ်လည် (၅)နှစ်ပြည့် ဆွမ်းကျွေးတရားနာ အလှူလုပ်ပါတယ်၊ ကျနော့်သူငယ်ချင်းများ။ ညီအကိုမောင်နှမများအားလုံးကို ဖိတ်လိုက်ပါတယ်ဗျာ။ လာရောက်ကြမယ်လို့ ထင်ပါတယ်။

မာန်လှိုင်းငယ်

Read more »

Posted in: မေမေ့ ဖိတ်စာ

လူထုစိန်ဝင်းနှင့် ရေကြည်ရာမြက်နုရာ

မေးမြန်းသူ - အေးအောင်
ဖြေဆိုသူ - လူထုစိန်ဝင်း

လူထုစိန်ဝင်းနှင့် ရေကြည်ရာမြက်နုရာ

လူငယ်ထုအပေါ်အမြဲလိုလို ကောင်းရာကောင်းကြောင်း အကြံပြုရေးသား တင်ပြပေးနေသည့် ဆရာလူထုစိန်ဝင်းနှင့် ရေကြည်ရာမြက်နုရာရှာကြသူ မြန်မာလူငယ်များအကြောင်း မေးမြန်းဖြစ်ခဲ့သည်များကို ...

ယခုတစ်ပတ် ဖော်ပြပေးလိုက်ပါသည်။ အသက်(၆၈)နှစ် ရှိနေပြီဖြစ်သည့် ဆရာလူထုစိန်ဝင်းသည် ကျန်းမာရေး အခြေအနေအရ နေအိမ်၌ပင် အေးအေးလူလူနေထိုင်ကာ စာပေများရေးသားရင်း လူငယ် များအတွက် စိတ်အာဟာရကို မွန်မြတ်သောစေတနာ၊ ကရုဏာဖြင့် ဖြည့်တင်းပေးလျက်ရှိကြောင်း လျှပ်တစ်ပြက်သတင်းဂျာနယ် စာမျက်နှာပေါ်မှ ဤသို့ချပြလိုက်ရပါသတည်း။

ဒီလူငယ်တွေ ပြည်ပကိုထွက်ခွာ အလုပ်လုပ်ကြတော့ သူတို့မှာ အဆင်ပြေတာလည်း ရှိတယ်။ တချို့ကျတော့ ဟိုနိုင်ငံသားခံယူလိုက်တာ လည်းရှိတယ်။ ဒီကိုပြန်လာတာလည်း ရှိတယ်ပေါ့ဆရာရယ်။ ဒီကအခြေအနေနဲ့ သူနဲ့မကိုက်လို့ဆိုပြီး ပြန်ထွက်လာတာလည်း ရှိ တယ်။ ဒီအပေါ် ဆရာဘယ်လိုဝေဖန် အကြံပြုလိုပါသလဲ။
ဆရာက အနှစ်(၂ဝ)ကျော်လောက် အင်္ဂလိပ်စကားပြော သင်တန်းဖွင့်ခဲ့တာကိုး။ နိုင်ငံခြားသွားချင် တဲ့ လူငယ်တွေတင်မကဘူး လူလတ်ပိုင်းလည်းပါတယ်။ လုပ်ငန်းခွင်ထဲ ရောက်နေတဲ့သူတွေ၊ အင်ဂျင် နီယာ၊ ဆရာဝန်တွေပါ ဆရာ့ကျောင်းမှာ လာတက်ကြတော့ အများကြီးတွေ့ခဲ့ပါတယ်။ သွားကြတဲ့ အထဲမှာ အလုပ်အကိုင်ကြောင့် သွားကြတဲ့ သူတွေနဲ့တော့ ဆရာနဲ့သိပ်မရင်းနှီးဘူး။ အဲဒီဟာတော့ ဆရာသိပ်မပြောတတ်ဘူး။ ပညာသင်ဖို့သွားကြတဲ့သူတွေ အကြောင်း ဆရာကပိုပြီးများများသိတယ်။
လူငယ်တွေ နိုင်ငံခြားသွားတာဟာ ဆရာကတော့ ကောင်းတဲ့လက္ခဏာလို့ပဲ မြင်တယ်။ ဒီလိုသွားမှ သူများနိုင်ငံတွေရဲ့ ကောင်းတာတွေလည်း သိလာတယ်။ မကောင်းတာလည်းသိလာတယ်။ မျိုးချစ်စိတ် ရှိတယ်ဆိုတာ နှိုင်းယှဉ်ချက်ရှိမှ မျိုးချစ်စိတ်ရှိတာ။ သူများနိုင်ငံတွေ ကောင်းတာတွေမြင်ရသလို၊ မကောင်းတာတွေလည်း မြင်တတ်ရမယ်။ အလားတူ ကိုယ့်နိုင်ငံရဲ့အားသာချက်၊ အားနည်းချက်တွေ လည်းသိလာမယ်။ အဲဒီလို နှိုင်းယှဉ်ပြီးသိတဲ့အခါမှ တို့လူမျိုးက ဘယ်လောက် ချစ်စရာကောင်းသလဲ၊ တို့လူမျိုးကဘယ်လောက် ယဉ်ကျေးမှု အဆင့်အတန်း မြင့်မားသလဲဆိုတာ သိလာမယ်။ အဲဒီကျမှ မျိုးချစ်စိတ်ဆိုတာ ပေါ်ထွက်နိုင်လာမယ်။ ဒီအတိုင်းနေလို့ မျိုးချစ်စိတ်ဆိုတာ ထွက်မလာဘူး။ ဒါကြောင့် မို့ နိုင်ငံခြားကိုသွားတယ်၊ လာတယ်ဆိုတာ ဆရာ့အနေနဲ့ သဘောကျတယ်။ ဆရာအနှစ်(၂ဝ)သင်ခဲ့ဖူး တော့ လူငယ်တွေဘာဖြစ်လို့ နိုင်ငံခြားသွားချင်သလဲဆိုတော့ ဆရာတွေ့သလောက်တော့ နိုင်ငံခြားကို အထင်ကြီးပြီး သွားချင်တဲ့သူကတော့ အင်မတန်နည်းပါတယ်။ မြန်မာလူငယ်လေးတွေ သွားချင်ကြ တယ်ဆိုတာ များသောအားဖြင့်မိဘကို လုပ်ကျွေးချင်လို့၊ ကျေးဇူးဆပ်ချင်လို့၊ ဒီအင်မတန်မွန်မြတ်တဲ့ ရည်ရွယ်ချက်ကလေးနဲ့သွားကြတာ။ ဆရာ့ကျောင်းမှာ တက်တော့ လူအများစုကလည်း ပညာတတ် လူငယ်တွေများတယ်။ အနိမ့်ဆုံးဆိုလည်း ဆရာက ဆယ်တန်းအောင်မှ လက်ခံတာကိုး။ ပညာတတ် တွေအများစု နိုင်ငံခြားကိုရောက်သွားပြီးတော့ မြန်မာလူမျိုးတွေ ဒုက္ခရောက်တယ်ဆိုတာ အင်မတန် နည်းပါတယ်။ မရှိသလောက်ရှားပါတယ်။ ရောက်တဲ့နေရာမှာ မြန်မာလူမျိုးဟာ အဆင်ပြေအောင် နေ တတ်၊ ထိုင်တတ်၊ လုပ်တတ်၊ ကိုင်တတ်တယ်။ နောက်တစ်ခါ မြန်မာလူမျိုးရဲ့ ပညာအဆင့်အတန်းက အိမ်နီးချင်းနိုင်ငံတွေနဲ့ ဆိုရင်အများကြီးကိုသာပါတယ်။ အထူးသဖြင့် အင်္ဂလိပ်စာနဲ့ ပတ်သက်လို့ပေါ့။ ဂျပန်နဲ့ယှဉ်မလား။ ကိုရီးယားတွေနဲ့ ယှဉ်မလား။ ဒီနားက ယိုးဒယားတို့ ဘာတို့ဆိုထည့်မပြောနဲ့တော့။ ထိပ်တန်းရောက်နေတဲ့ တရုတ်၊ ဂျပန်၊ ကိုရီးယားတို့နဲ့ယှဉ်ရင် အင်္ဂလိပ်စကားပြော၊ အင်္ဂလိပ်စာဖတ် နားလည်တဲ့နေရာမှာ မြန်မာက အဲဒီလူတွေထက် သုံး၊ လေးဆလောက်သာတယ်။
အဲဒီတော့ မြန်မာလူမျိုးဟာ ဘယ်နိုင်ငံပဲရောက်ရောက် ဒုက္ခမရောက်ကြတော့ဘူး။ ဒါကြောင့် လူငယ်တွေ သွားတာဟာ မိဘကျေးဇူးဆပ်ချင်လို့ သွားကြတာဖြစ်တဲ့အတွက် ဒုက္ခလည်း သိပ်မရောက် ကြပါဘူး။ ဆရာကတော့ အဲဒါကို ကောင်းတယ်လို့ပဲမြင်တယ်။ အလုပ်အကိုင်ကြောင့် သွားတဲ့လူတွေ နဲ့တော့ ဆရာကသိပ်မရင်းနှီးဘူး။ တစ်ဆင့်စကား တစ်ဆင့်နားနဲ့ မလေးရှားမှာ ဘယ်လောက် ဒုက္ခ ရောက်တယ်။ ထိုင်းမှာ ဘယ်လောက်အနှိမ်ခံရတယ် ဆိုတာတွေတော့ ကြားနေရတာပေါ့လေ။ ကိုယ်တွေ့မဟုတ်တော့ ဒါတွေတော့ဆရာသိပ်မပြောတတ်ဘူး။

ဒီလိုဆို ကော်လာဖြူနဲ့ပတ်သက်ပြီးပဲ ဆရာပိုအကျွမ်းဝင်တယ်ပေါ့နော်။
ဟုတ်တယ်။ ဆရာက ပညာတတ်လူတန်းစားနဲ့ပဲ ပိုရင်းနှီးတယ်။

နိုင်ငံခြားက မိတ်ဆွေတစ်ယောက် ပြောပြတာက စင်ကာပူက အိုင်တီလောကမှာ မြန်မာ ပညာရှင်ပေါင်း အခုဆိုရင်အယောက်(၃ဝဝ)ကျော်လောက်ရှိပါပြီ။ အဲဒီပညာရှင်(၃ဝဝ)ကျော် က ပြန်မွေးထုတ်ပေးရင် ကျောင်းသားပေါင်း တစ်သိန်းလောက်ထပ်ထွက်လာမယ်။ ဒါပေမဲ့ အဲဒီလူတွေက မြန်မာပြည်ပြန်လာမှာလား ဆိုတော့ ပြန်မလာချင် ကြသေးတာ များတယ်တဲ့။ အဲဒီအခြေအနေအပေါ် brain drain ဖြစ်တယ်လို့ယူဆလို့ရမလား။
ဒီ brain drain အကြောင်းကတော့ ဆရာမကြာခဏရေးဖူးပါတယ်။ အခုလိုပညာတတ်တွေ နိုင်ငံခြား ထွက်ကုန်တာ မကောင်းဘူးဆိုတာ ဆရာရေးဖူးပါတယ်။ brain drain အကြောင်း ဆရာ ခဏခဏရေးတယ်။ သူများတွေ မရေးတာတွေတောင် ဆရာရေးတယ်။ brain dry ဆိုတာ သူများနိုင်ငံ တွေမှာ brain drain ပြဿနာပဲရှိတယ်။ ဆရာတို့မှာကျတော့ brain တွေက dry ဖြစ်ကုန်တယ်။ ကိုယ့်အတတ်ပညာနဲ့ ကိုယ်လုပ်ကိုင်မစားရဘဲ ကိုယ်သင်ထားတဲ့ပညာကတခြား၊ အလုပ်ကတခြား ဆိုတော့ ဦးနှောက်တွေ ခြောက်ခမ်းကုန်တယ်။ အဲဒါကြောင့် brain dry ပြဿနာဆိုပြီး ဆရာရေးခဲ့ဖူး တယ်။ နောက်တစ်ခုက နိုင်ငံခြားထွက်သွားပြီးတော့ ပြန်မလာကြဘူးဆိုတာ အပိုင်းနှစ်ပိုင်းရှိတယ်။ တစ်ပိုင်းကတော့ ကိုယ့်တိုင်းပြည်၊ ကိုယ့်ယဉ်ကျေးမှုကို မချစ်တတ်တဲ့သူ။ နောက်တစ်ပိုင်းက စီးပွားရေး အခြေအနေအရ မိဘကိုလုပ်ကျွေးချင်တယ်၊ ကျေးဇူးဆပ်ချင်တယ်။ နိုင်ငံခြားမှာရှာဖွေလို့ရလာတာ လေးနဲ့ မိဘကိုကျေးဇူးဆပ်ချင်တာကြောင့် ပြန်မလာတာတစ်ပိုင်းရှိတယ်။ ကိုယ့်တိုင်းပြည်ကိုမချစ်လို့ ပြန်မလာတဲ့ သူဆိုတာ ဆရာအတွေ့အကြုံအရအင်မတန်နည်းပါတယ်။

အခွင့်သာရင်တော့ သူတို့ပြန်လာကြမယ်လို့ ဆိုလိုတာလားခင်ဗျ။
လာကြပါတယ်။ ဆရာ့ကျောင်းသားတပည့်တွေဆို အများကြီးပြန်လာ ကြတာရှိပါတယ်။

နောက်တစ်ခုက ဒီမှာဖြစ်တဲ့ ကိစ္စတစ်ခုက လူငယ်တချို့က အမြင်လွဲတာမှာ ဆယ်တန်း အောင်ပြီးရင်လည်း ရန်ကုန်မှာ ကုမ္ပဏီဝန်ထမ်းလုပ်လည်း မားကတ်တင်း၊ စာရေးလောက် နဲ့ပဲ ပြီးမယ်ဆိုပြီး ရှာကြံလို့ရတဲ့ ငွေလေးနဲ့ စင်ကာပူ၊ မလေးရှားစသည်ဖြင့်ထွက်ကြတယ်။ သူတို့ဟာ ဒီကသင်ပေးလိုက်တဲ့ပညာကို တန်ဖိုးမထားတတ်တဲ့ သဘောလေးတွေ ဆောင်လာ ကြတယ်။ အဲဒါကို ဆရာဘယ်လိုသုံးသပ်မိလဲ။
နိုင်ငံခြားသွား၊ ပင်ပင်ပန်းပန်းကြိုးစားရှာကြတာ။ ဥပမာ ဂျပန်နိုင်ငံမျိုးကို လူတွေကသိပ်ပြီး အားကျ နေတယ်။ ဂျပန်ရောက်တဲ့ သူကတကယ်ဆိုရင် သိပ်သနားဖို့ကောင်းတယ်။ နေ့အလုပ်၊ ညအလုပ်နှစ်ခု လောက်ခွဲလုပ်ရတယ်။ ဒါမှလည်း မိဘဆီပိုက်ဆံပို့နိုင်ရှာမှာ။ နေ့အလုပ်က ပြန်လာရင် အဝတ်အစား တောင်မလဲနိုင်ဘူး။ အဲဒီအဝတ်နဲ့ထိုးအိပ်ရတယ်။ အိပ်ရာနိုးတာနဲ့ပဲ ချက်ချင်း အလုပ်ပြေးရတယ်။ အဲဒီ လိုပြေးလွှားနေကြရတာ။ ဒီကလေးတွေ အပင်ပန်းခံပြီး သွားလုပ်တာမှာ သူတို့တွေချည်းပဲ အပြစ်တင် လို့မရဘူး။
တစ်ခါတုန်းက ဆရာရေးဖူးတယ်။ 'မြန်မာတွေဖျင်းတယ်၊ ပျင်းတယ်၊ ညံ့တယ်'လို့ဆိုပြီး တချို့မှား ပြောလေ့ရှိတာရှိတယ်။ ဆရာကရေးလိုက်တာမှာ ''တစ်နာရီကို (၆)ဒေါ်လာပေးပြီး ခိုင်းကြည့်ပါလား၊ မြန်မာတွေပျင်းသလား၊ အလုပ်ခိုကပ်သလားသိရအောင်''လို့။ အဲဒီလိုကိုရေးဖူးတယ်။ မြန်မာပြည် လောက်နေလို့ထိုင်လို့ကောင်းတဲ့နိုင်ငံ အစားအသောက်အတွက် ထမင်းငတ်မှာ မပူရဘူး။ ဆရာတို့ မြန်မာပြည်က မချမ်းသာရင်သာရှိမယ်။ ထမင်းငတ်တယ်ဆိုတာ ဘယ်ခေတ်ကမှမရှိခဲ့ဘူး။ ဖက်ဆစ် ဂျပန်လက်အောက်မှာ နေတုန်းကတောင် ထမင်းမငတ်ခဲ့ဘူး။ အဲဒီလိုနိုင်ငံမှာ ဗြဟ္မစိုရ်တရား ဆိုတာ လည်း မဆိတ်သုဉ်းသေးဘူး။ မေတ္တာ၊ စေတနာကို တန်ဖိုးထားနေကြတုန်းပါ။ နယ်ကနေ ရန်ကုန်က ဆွေမျိုး အိမ်မှာကျောင်းတက်၊ ပညာသင်ဆိုတာ မြန်မာပြည်မှာဘဲ လုပ်လို့ရတယ်။ နိုင်ငံခြားမှာ ဒီလို လုပ်လို့မရဘူး။
မြန်မာပြည်လောက် နေလို့ကောင်းတဲ့နိုင်ငံဟာ ကမ္ဘာမှာမရှိသလောက် ရှားပါတယ်။ ဘယ်သူမှ နိုင်ငံခြားမထွက်ချင်ဘူး။ ထွက်ပြီးရင်လည်း တစ်သက်လုံး ဘယ်သူမှဟိုမှာမနေချင်ဘူး။ ပြန်လာချင် တာပဲ။
ဒီကအလုပ်ရှင်တွေ၊ ကုမ္ပဏီတွေက သူများနိုင်ငံပေးသလို တစ်နာရီ (၆)ဒေါ်လာ၊ (၇)ဒေါ်လာ ပေးပြီးခိုင်းကြည့်ပါလား။ ဘယ်သူမှမထွက်ပါဘူး။ အခုစာရေးဆရာတွေလည်း ရေးကြ၊ အလုပ်ရှင်တွေ လည်း ပြောကြတာမှာ ''မြန်မာတွေပျင်းတယ်၊ ခိုကပ်တယ်''တဲ့။ နောက်ပြီးတော့ စင်ကာပူဟာဖြင့် ဘယ်လောက်ထိ သန့်ရှင်းတယ်၊ နိုင်ငံတကာစံချိန်မီ ဘယ်လိုအလုပ်လုပ်ကြတယ်။ ဘယ်လောက် ကြိုးစားကြတယ်လို့ ဆိုကြတယ်။ အလုပ်လုပ်တဲ့နေရာမှာ နိုင်ငံတကာစံကိုမပြောပါနဲ့။ အဲဒီလိုဆရာပြော ချင်တယ်။ အဲဒီလို နိုင်ငံတကာ စံနဲ့ပေးမယ်ဆိုရင် ဆရာပြောရဲပါတယ်။ မြန်မာလူမျိုး ဘယ်သူမှ နိုင်ငံ ခြားမှာ သွားမလုပ်ဘူးလို့။ ရှေးတုန်းက ဆရာတို့ဟာ အင်္ဂလိပ်လက် အောက်မှာနေခဲ့ရတယ်။ သွားချင် လည်း လွတ်လွတ်လပ်လပ်သွားလို့ရတယ်။ ဘယ်နိုင်ငံသွားသွား။ အိန္ဒိယဆိုရင် အိမ်ဦးနဲ့ ကြမ်းပြင် ကူးလို့ရတယ်။ အဲဒီလို လွတ်လွတ်လပ်လပ် သွားလို့ရတဲ့ခေတ်မှာတောင် မြန်မာလူမျိုးတွေ ဘယ်နိုင်ငံ မှဒီလောက် မသွားခဲ့ဘူး။ အိန္ဒိယ၊ တရုတ်ကလူတွေ ဒီမှာလာပြီး ကူလီလာလုပ်ကြတယ်။ သင်္ဘောသား ဆိုရင်လည်း မြန်မာလူမျိုးတွေ မလုပ်ခဲ့ဘူး။ သင်္ဘောသားဆိုရင် ခေါ်တော ကုလားတွေပဲလုပ်တာ။ ဒါကြောင့် ဆလင်တို့ဘာတို့ဆိုတဲ့ စကားတွေဟာ ကုလားစကားတွေ။ မြန်မာတွေမလုပ်တဲ့ ပင်ပင် ပန်းပန်း အလုပ်တွေကို ကုလားတွေပဲလာလုပ်ခဲ့တာ။

တရုတ်ပြည်ဆိုရင် သူ့ပညာတတ်တွေကို သူပြန်စုနိုင်ခဲ့တယ်လို့ဆိုပါတယ်။
သူများနိုင်ငံကို သခင်ကြီးခေါ်ချင် သူတွေကတော့ အင်္ဂလိပ်လက်အောက် နေခဲ့စဉ်ကရှိခဲ့လို့ အခုလည်းရှိနေတယ်။ မြန်မာချင်းစကားမပြောချင်ဘူး။ မြန်မာလူငယ်အများစုမှာ အမေကျော် ဒွေးတော် လွမ်းတဲ့စိတ်မရှိပါဘူး။ ဒါကိုတော့ ဆရာပြောရဲတယ်။

အဲဒီတော့ ပြည်ပရောက် ပညာတတ်လူငယ်တွေကို အချိန်မရွေး ပြန်စုစည်းနိုင်မယ့် အနေအထားရှိလား။
အချိန်မရွေးစုစည်းနိုင်ပါတယ်။ ဆရာရဲရဲပြောရဲပါတယ်။ ဘာကြောင့်လဲ ဆိုတော့ ဆရာကိုယ်တိုင် အနှစ်(၂ဝ)ကျော် နိုင်ငံခြားသွားတဲ့သူတွေကို ဆရာစာသင်တာကိုး။ ဆရာ့တပည့်တွေကို နေ့တိုင်းထိ တွေ့ နေရတော့ကောင်း ကောင်းသိတယ်။ ဘိုရူးရူးပြီးသွားတဲ့သူအင်မတန်နည်းပါတယ်။ အများစုက ပညာသင်ဖို့နဲ့ နောက်တစ်ခုက မိဘအလုပ်အကျွေးပြုချင်လို့ နိုင်ငံခြားထွက် ပိုက်ဆံရှာတာပါ။

Read more »

Posted in: အင်တာဗျူး