တူတူပျော်ပျော်

မာန်လှိုင်းငယ်

ကဲ … …
နှစ်သစ်ကို ကြို၊ လူတွေ ပျော်ဖို့
နွှဲလိုက်ရအောင်၊ ဒီညမှာပေါ့
တူတူပျော်ပျော်၊ ယှဉ်ကာတွဲကာ။

ဝိုင်းကြီးပတ်မယ်၊ မီးပုံနံဘေး
ဆိုကြမယ် ဟေ့၊ သီချင်းကို ကွယ်
တူတူပျော်ပျော်၊ ခုန်ကာကကာ။

ဝိုင်းထိုင်လိုက်မယ်၊ မီးပုံနံဘေး
ဂီတာကို တီး၊ လူတွေ မူးလို့
တူတူပျော်ပျော်၊ အော်ကာဟစ်ကာ။

ကဲ … …
အားလုံး အတူ၊ အော်လိုက်ရအောင်
ဝမ်း တူး သုံး …
`ဟတ်ပီး နယူး ရီးရား´၊ `၂ ၀ ၀ ၉´
`ဟတ်ပီး နယူး ရီးရား´၊ `၂ ၀ ၀ ၉´။

ကဲ … …
နှစ်သစ်ရောက်ပြီ၊ နိုးထကြစို့
နှစ်သစ်မနက်၊ ပျော်မြူးကြဖို့
သူငယ်ချင်းတို့ … … ။ ။

၂၀၀၈ ခုနှစ်၊ ဒီဇင်ဘာလ (၃၁)ရက်။

Read more »

Posted in: ကဗျာ

မနက်ဖြန်ဆိုတာ ညတညပဲ ခြားတယ်

မာန်လှိုင်းငယ်

အနှစ်နှစ်ဆယ် …
ကျစ်ကျစ်လျစ်လျစ် ဆုပ်ကိုင်ပြဖို့
ခါးသီးနာကျင်မှုတွေ အပြည့်ပဲရှိတယ်။

အနှစ်နှစ်ဆယ် …
သံလွင်ခက်နဲ့ ဂျိုးဖြူငှက်လည်း
အမှန်တရားနှင့် ငြိမ်းချမ်းမှုရဲ့ သင်္ကေတအဖြစ် ရှိနေမြဲ။

အနှစ်နှစ်ဆယ် …
နာဂစ်ခြေဖ၀ါးအောက်
ကူပါ … ကယ်ပါ …
တစာစာ အသံတွေလည်း
ဝပ်တွားခယခဲ့ရပြီးပါပြီ။

အနှစ်နှစ်ဆယ် …
ကောက်ရိုးအဆွေးတွေ ပြာကျဖို့
လောင်ကျွမ်းမှု ခလုတ်ကို
တချို့က မျက်လုံးမှိတ် ရှာနေတုန်း
တချို့က စမ်းတ၀ါးဝါး ရှာနေတုန်း
တချို့က တတ်သုတ်ရိုက် နှိပ်နေတုန်း
တချို့က ပင်ပန်းမောဟိုက်စွာ နှိပ်နေတုန်း
တချို့က ရဲဝံ့ပြတ်သားစွာ ထိနေတုန်း
တချို့က ယုံကြည်ခိုင်မာစွာ ထိနေတုန်း
တချို့က စတေးခံ ရင်ဆိုရင် ခလုတ်ကို နှိပ်လိုက်နိုင်တယ်။

အနှစ်နှစ်ဆယ် …
ခါးသီးမှုတွေ
နာကျင်မှုတွေ
သက်သာယာ။ သက်သာကြောင်း
အဆိပ်ပါတဲ့ရေကို မသိကျိုးကျွံ သောက်သုံးနေတယ်။

အနှစ်နှစ်ဆယ် …
ဘယ်လောက်ပဲ အသွားထက်ထက်
ဘယ်လောက်ပဲ အဆိပ်ပြင်းပြင်း
ယုံကြည်ရဲမှ
ရင်ဆိုင်ရဲမှ
တောက်ခံနိုင်မှ
အမှန်တရားရဲ့ နေခြည်ဟာ ပေါ်လာမှာပါ။

အနှစ်နှစ်ဆယ် …
ထပ်မံပြီး
လူငယ်တို့ရဲ့ လက်၊ ခြေဖ၀ါးဟာ
မာကျောလာတယ်
ခိုင်မှာလာတယ်
ရဲဝံ့လာတယ်
ပြတ်သားလာတယ်
ကိုယ့်လက်၊ ကိုယ့်ခြေဖ၀ါးကို ငုံ့ကြည့်စရာတောင် မလိုတော့ပါဘူး။

အနှစ်နှစ်ဆယ် …
လူငယ်များရဲ့ ရင်ထဲအသဲထဲ
ဘ၀နဲ့ချီပြီး ခါးသီးမှုတွေ ပြည့်သိပ်လာတာနဲ့အမျှ
တဆတ်ဆတ်နဲ့ အန်ကျလာဖို့ ၀န်မလေးတော့ပါဘူး။

အနှစ်နှစ်ဆယ် …
ကုန်လွန်ခဲ့တဲ့ အိပ်မက်တွေလည်း
ထပ်မံ ရှင်နိုင်ဖို့ …

လူငယ်တို့ရဲ့ လက်၊ ဖြေဖ၀ါးကို ယုံကြည်ရဲမယ်ဆိုရင်
မနက်ဖြန်ဆိုတာ ညတညပဲ ခြားသလို
အနာဂတ်ဆိုတာလည်း တစ်မနက်ပါပဲ။

2008 ခုနှစ်။ ဒီဇင်ဘာလ (29)ရက်။

Read more »

Posted in: ကဗျာ